Fransa Meteorologiya İdarəsi (Meteo France) bu gündən etibarən təsirli olacağı gözlənilən yüksək temperaturlarla bağlı əhaliyə xəbərdarlıq edilib.

Açıqlamada Savoyya (Savoie), Land (Landes), Jironda (Gironde), Dordon (Dordogne), Jer (Gers), Lo (Lot), Yuxarı Qaronna (Haute-Garonne), Tarn, Yuxarı Korsika (Haute-Corse) bölgələri də daxil olmaqla 13 əyalətdə isti hava ilə əlaqədar narıncı xəbərdarlıq elan edildiyi bildirilib. Ölkənin cənubuna təsir edəcək isti hava axını şimal bölgələrinə də keçəcək.

Ümumilikdə həftənin əvvəlində 35-38 dərəcə olacağı proqnozlaşdırılan temperaturun iyulun 31-dək davam edəcəyi gözlənilir. Hava proqnozları bu il Avropada ən isti yay olacağını proqnozlaşdırır.

Bu şərtlərin Fransanın paytaxtı Parisdə avqustun 11-dək davam edəcək Olimpiya Oyunlarına necə təsir edəcəyi gündəmdə olub və yüksək hərarətin idmançılara mümkün təsirləri narahatlıq yaradıb.