
Həbsxanalar doldu-daşdı
Fransa xaricdən cəzaçəkmə müəssisələri kirayə götürməyi düşünür
Fransa xaricdən cəzaçəkmə müəssisələri kirayə götürməyi düşünür
ABŞ prezidenti İkinci Dünya müharibəsindəki qələbəni qeyd edərkən Fransanı hədəfə alır
Azərbaycanla bağlı həqiqəti deyənlər “dövlət üçün təhlükəli şəxslər” siyahısına salınır
Fransada hər 3 dəqiqədə bir uşaq zorlanır və ya cinsi istismar edilir
Bəzi şəhərlərdə müsəlmanlar üçün qadağan olunan ərazilər meydana gəlib
Almaniyanın işgüzar dairələri dini bayramların ləğv edilməsini istəyir
Ölkəsində reytinqi yerlə gedən Makronun səsvermə fobiyası yaranıb
İkinci əl geyim satış platforması “Vinted Kiabi” “Amazonu” keçərək zirvəyə çıxdı
Məhkəmə məşhur aktyora 18 aylıq cəzadan əlavə 20 min avro cərimə kəsib
Uşaq bağçaları, məktəblər və ictimai nəqliyyat dayanır
15 diplomatın deportasiya edilməsi haqqında qərar verildi
Viktor Hüqo nəyə görə Makronun üzünə tüpürərdi?
... 43 günə kapitulyasiya edən ölkənin 44 günə təslim olana arxa durması
Afrika Fransanın əlindən xilas olsa, ...
Əvvəllər işçi olan soydaşlarımız sahibkarlıqdan siyasətə, idmandan elmə qədər hər yerdə çoxalır
Fransanın daxili işlər naziri: “Universitetlərdə hicabın qadağan edilməsini istəyirik”
Fransada erkən ümumi seçkilərdə solçu NFP alyansının parlamentdə ən çox yer qazanmasına baxmayaraq, sol ittifaqın namizədini baş nazir təyin etməkdən imtina edən prezident Emmanuel Makronun impiçmenti üçün 186 mindən çox imza toplanıb.
Solçu Sərbəst Fransa (LFI) Partiyasının parlament sədrinin müavini Klemens Quette “X” hesabında paylaşdığı petisiyaya “artıq 200 minə yaxın insan tərəfindən imza atıldığını” bildirib.
Quette fransızları prezident Makronun impiçmentini tələb edən petisiyanı imzalamağa çağırıb.
Müraciətdə Makron seçkilərin nəticələrinə baxmayaraq, “köhnə hökumətin öz vəzifəsini davam etdirməsinə icazə verdiyi və özününkindən başqa bütün hökumət proqramlarının həyata keçirilməsinə mane olduğu” üçün tənqid edilib.
186 mindən çox adamın imzaladığı və seçkilərdən sonrakı 2 ay ərzində Makronu hələ də baş nazir təyin etmədiyi üçün tənqid edilən petisiyada “bu avtoritar kursun parlament rejimlərində və təmsilçi demokratiya sistemində misli görünməmiş olduğu” qeyd edilib.
Prezident Makronun impiçmenti təklifi avqustun 31-də LFI tərəfindən Milli Assambleyaya təqdim edilib. LFI Makronun seçki nəticələrinə məhəl qoymayaraq vəzifəsini pozduğunu iddia etmişdi.
Makron, seçkilərdə parlamentdə ən çox yerə sahib olan solçu Yeni Xalq Cəbhəsinin (NFP) ortaq namizədi Lüsi Kastetsi baş nazir təyin etməyəcəyini açıqladıqdan sonra hökumət qurmaq üçün danışıqları davam etdirir.
Yeni hökuməti qurmaq üçün avqustun 23-dən Yelisey sarayında siyasətçiləri qəbul edən Makron sonuncu dəfə Xavier Bertrand, keçmiş baş nazir Bernard Kaznev, keçmiş prezidentlər Nikola Sarkozi və Fransua Ollandla görüşüb.
Fransada keçirilən növbədənkənar ümumi seçkilərdən sonra Milli Assambleyada ən böyük siyasi qrup 193 deputatla NFP, ikinci yerdə 166 deputatla Makronun hakim koalisiyası və 142 deputatla ifrat sağçı RN gəlir.
Fransa Konstitusiyasına görə, prezidentin istədiyi adamı baş nazir təyin etmək səlahiyyəti var, lakin siyasi ənənələrə görə, baş nazir ən çox səs toplayan partiya və ya alyansdan seçilir.