Suriya Xarici İşlər Nazirliyi devrilmiş Bəşər Əsəd rejimi dövründə vəzifəsini tərk etmiş diplomatlardan işə qayıtmaq üçün blankları doldurmağı xahiş edib. Suriya Xarici İşlər Nazirliyi sosial media platforması “X” hesabında məsələ ilə bağlı yazılı açıqlama verib.

Bəyanatda deyilir: “Biz sizin köhnə rejimi tərk edərək, xalqınızın yanında olmaqla və onların ədalətli işini dəstəkləməklə üzərinə götürdüyünüz böyük milli rolun fərqindəyik. Bu şərəfli tarixi qorumaq və sənədləşdirmək üçün həssaslığımızla yanaşı, yeni Suriyanın quruculuğu prosesində rolunuzu canlandırmağın vacibliyinə inanırıq”.

***

Bəyanatda bu məqsədlə devrilmiş rejim dövründə Xarici İşlər Nazirliyindən ayrılan diplomatların məlumatlarının toplanması və yenilənməsi üçün hazırlanmış xüsusi blankın doldurulması istənilib və bu məlumatlardan diplomatlarla əlaqənin bərpası üçün istifadə ediləcəyi bildirilib.

Bəyanatda vurğulanıb ki, diplomatların bu səydə iştirak etməsi yaxın günlərdə Suriyanın həssas prosesində yenidən birləşmə və səylərin koordinasiyası istiqamətində mühüm addımdır.