Ermənistanın baş naziri Nikol Paşinyan “siyasi intriqalarda iştirak edən” bütün “Ermənistan Elektrik Şəbəkələri” QSC (ESA) əməkdaşlarını işdən çıxarmaqla hədələyib. Bu barədə o, sosial şəbəkələrdə yazıb.

Paşinyan daha əvvəl “Ermənistan Elektrik Şəbəkələri”nin o əməkdaşlarına sərt tədbirlər görəcəyini bəyan etmişdi ki, onlar tabeliyində olan işçiləri və ya həmkarlarını “Taşir” Qrupunun rəhbəri Samvel Karapetyanı dəstəkləyən mitinqlərdə iştirak etməyə məcbur edirlər.

“ESA əməkdaşlarını mitinqlərə qatılmağa məcbur edənlər də məhkum ediləcək”, — deyə Paşinyan qeyd edib.

O dəqiqləşdirib ki, ilk iki qrupa qarşı çıxaraq əmək vəzifələrini yerinə yetirməyə davam edənlərin heç bir problemi olmayacaq və əgər onlar işdən çıxarılarsa, iyul ayında işlərinə bərpa olunacaq və əməkhaqları ödəniləcək.

Həmçinin bildirilir ki, Ermənistan hüquq-mühafizə orqanları Samvel Karapetyanın “Taşir Qrupu”nun əsas ofisində axtarışlar aparır.

17 iyun tarixində “Taşir” şirkətlər qrupunun rəhbəri Samvel Karapetyan hakimiyyətin anti-kilsə kampaniyasını tənqid etmişdi. Bundan sonra onun İrəvandakı evində axtarış aparılıb və o, saxlanılıb. İrəvan məhkəməsi Karapetyanın hakimiyyəti ələ keçirməyə çağırışlarla bağlı iş üzrə iki ay müddətinə həbs olunması ilə bağlı istintaqın təqdimatını təmin edib.