vaxtlı-vaxtında oxuyun! Cümə axşamı, 18 aprel 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
SƏNAYE - AĞIR, YÜNGÜL, AQRAR  
11:02 | 5 fevral 2019 | Çərşənbə axşamı Məqaləyə 274 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Quba almasından yeni məhsul - “Made in Azerbaijan”

“Moskva ilə bir milyon dollarlıq müqaviləmiz var”

MÖVZU İLƏ ƏLAQƏLİ

Respublika ərazisində yerli kənd təsərrüfatı məhsullarından, xüsusilə də alma, xurma, ərik, armud, qarağat və s. mövsümə uyğun olan məhsulların çipsi və qurusu hazırlanır. Eyni zamanda, Zaqatala, Xaçmaz bölgələrindən fındıq alınır və onlarında qurudulmasına başlanılacaq. Bu məhsulların harada və hansı şəraitində hazırlanmasını müşahidə etmək üçün Qubada yerləşən “Qubaekoaqrar” MMC zavoduna səfər etdik.

Oktyabr ayının 11-də Qubada istifadəyə verilən kənd təsərrüfatı mallarının istehsalı ilə məşğul olan  “Qubaekoaqrar” MMC-dən reportajı təqdim edirik:

Zavodun geniş həyətyanı sahəsi və anbarı var. Kənd təsərrüfatı məhsullarını zavod yerli əhalidən alır və anbarlarda saxlayır. Məhsullar zavod əməkdaşları tərəfindən seçildikdən sonra xüsusi qablara yığılaraq yuyulur.

Zavoddakı avadanlıqlar və iş prinsipi ilə bağlı jurnalistlərin suallarını “Qubaekoaqrar” MMC-nin direktoru Şahin Orucov cavablandırıb. Onun sözlərinə görə, kənd təsərrüfatı məhsullarından əldə edilən çipsi və meyvə quruları “Made in Azerbaijan” brendi adı altında xarici ölkələrə satılacaq:

“Gördüyünüz bu zavodda təmiz, yerli kənd təsərrüfatı məhsullarından dünya bazarına hazır meyvə quruları və çipsi hazırlanır. İstifadə etdiyimiz avadanlıqlar Çin istehsalıdır.

Əməkdaşlarımız tərəfindən mövsümə uyğun meyvələr toplanaraq saf-çürük edilir. Daha sonra gördüyünüz bu qurğunun içərisində yaxşı-yaxşı yuyulur, soyulur və doğranılaraq yağa atılır. İki cür - üçbucaq və halqavari şəkildə doğranılan meyvələr 85 dərəcədə qızan yağın içərisində qızardılır.

Ümumiyyətlə, yağlar 100 dərəcədə qaynayır və qaynayan yağ insan orqanizminə ziyandır. Bizdə isə yağ maksimum 85 dərəcədə qızdırılır. Hazırda məhsul alma və xurmadan hazırlanır, amma qarşıda ərik, armud, qarağat və s. bölgəyə uyğun yetişən meyvələrdən də sözügedən məhsulların hazırlanmasına başlanılacaq”.

“Qubaekoaqrar” zavodu Moskva üçün içərisində 77 min ədəd məhsul tədarük edir ki, bu da səkkiz tona yaxın qurudulmuş məhsula bərabərdir. Məhsullar 80 ton meyvədən 45 gün ərzində əldə edilib. Direktorun sözlərinə görə, Moskva ilə “Qubaekoaqrar” MMC-nin bir milyon dollarlıq müqaviləsi var:

“Bizim hazırda Moskva ilə müqaviləmiz var və sifarişi bir il ərzində çatdırmalıyıq. Bir kiloqram almadan 100 qram çipsi hazırlanır. Məhsullar 60 və 120 qramlıq qablaşdırılmalar şəklində olur. Satış qiyməti bizim pulla 1-2 manat arası olacaq.

Daha sonra Qətər, Almaniya ilə də müqavilələr imzalanacaq. Məhsullarımıza xarici bazarda tələbat var və biz yerli məhsulumuzu, öz brendimizi dünya bazarına tanıdırıq. Artıq işçi qüvvəsi və müqavilələr bitdikdən sonra bu məhsulların yerli bazara da çıxarılmasına başlanılacaq”.

Müəssisədə tələbata uyğun olaraq, əsasən, alma, armud, gavalı, ərik, üzüm və alça quruları, həmçinin, alma çipsi istehsal olunaraq müxtəlif çəkilərdə paketlənir. Meyvə quruları sənaye üsulu ilə istehsal olunduğu üçün dadına, əmtəə görünüşünə və yüksək səviyyədə qablaşdırılmasına görə fərqlənir.

Müəssisənin xammala tələbatının davamlı olaraq ödənilməsinin təmin edilməsi məqsədilə növbəti mərhələdə tutumu iki min ton olan soyuducu anbar kompleksinin qurulması, mövcud istehsal gücünün iki dəfə artırılması, cem və mürəbbə istehsalının təşkili nəzərdə tutulur.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *