vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
CƏMİYYƏT  
15:12 | 19 oktyabr 2017 | Cümə axşamı Məqaləyə 3175 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Yol polisi olmasa, ...»

Polkovnik taksi sürücülərindən şikayətçidir

Qafar AĞAYEV

MÖVZU İLƏ ƏLAQƏLİ

«Taksilərin avtobus dayanacaqlarında saxlanması ilə bağlı ciddi tədbirlər görülür. Əgər yol polisi ərazilərdə fəaliyyət göstərməsə qanunsuz taksi fəaliyyəti ilə bağlı məşğul olan sürücülər yolları iflic vəziyyətə salar».

Bu sözləri Modern.az-a açıqlamasında Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov deyib.

O bildirib ki, polis əməkdaşlarının müntəzəm olaraq qanunsuz taksi fəaliyyəti ilə məşğul olan sürücülərlə mübarizə aparmasına baxmayaraq onlar yenə də qaydaları pozmağa cəhd edir.

«Dayanma-durma qaydalarının pozulmasına görə, əməkdaşlarımız gündəlik fəaliyyət göstərir. Bu məsələdə müsbət nəticələr də əldə olunub. Əgər yol polis əməkdaşları ərazilərdə fəaliyyət göstərməsə bəzi taksi sürücüləri qaydaları pozaraq öz istədikləri yerlərdə avtomobillərini istədikləri yerdə saxlayacaqlar. Bəzi taksi sürücüləri var ki, ay ərzində dayanma-durma qaydalarını pozduqlarına görə onlara 3-4 dəfə protokol tərtib edilib. Amma təəssüflə qeyd etmək lazımdır ki, onlar qaydaları pozmağa davam edir.

Hər bir sürücü yol hərəkətində şəxsi mənafeyini ictimai mənafedən üstün tutmamalıdır. Yəni ərazidə polis əməkdaşının xidmət aparıb aparmamasından asılı olmayaraq tələblərə düzgün riayət edilməlidir ki, başqaları da əziyyət çəkməsin».