vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
RƏY, REPLİKA  
16:17 | 13 fevral 2022 | Bazar Məqaləyə 4251 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Mehdiyev tənqiddən nəticə çıxarmadı

Marjinallaşdırmaqla akademiyanın nüfuzunu bilərəkdən ayaqlar altına saldı

MÖVZU İLƏ ƏLAQƏLİ

Millət vəkili Vüqar Bayramov özünün “Facebook” sosial şəbəkəsindəki səhifəsində son günlər ictimaiyyətdə ciddi müzakirələrə yol açan Azərbaycan Milli Elmlər Akademiyasının (AMEA) Ramiz Mehdiyevlə bağlı açıqlamasına münasibət bildirib. Millət vəkili bildirib ki, elmi-texniki nailiyyətlərin istehsalata tətbiqinin böyük aktuallıq kəsb etdiyi indiki dönəmdə AMEA dedi-qodularla, fitnə və qeybətlə gündəmə gəlir.

Vüqar Bayramovun məqaləsini olduğu kimi təqdim edirik:

Azərbaycan Milli Elmlər Akademiyası (AMEA) yarandığı gündən dünyaya çıxmağa iddialı böyük elmi tapıntılara, gələcək vəd edən axtarışlara münbit şərait yaradan bir elm ocağı kimi tanınıb. Akademiyanın prezidentlərindən elə təkcə Yusif Məmmədəliyevi xatırlamaq kifayətdir. Böyük akademikimizin bütün dünyanın qəbul və tətbiq elədiyi elmi kəşfləri faşizm üzərində qələbə çalınmasında əvəzsiz rol oynamaqla yanaşı, bu gün də sənayenin müxtəlif sahələrində uğurla istifadə olunur, öz elmi dəyərini qoruyub saxlayır.

Azərbaycan iqtisadiyyatının daha çox elmi ixtiralara, innovasiyalara ehtiyacı olduğu, elmi-texniki nailiyyətlərin istehsalata tətbiqinin böyük aktuallıq kəsb etdiyi indiki dönəmdə AMEA dedi-qodularla fitnə və qeybətlə gündəmə gəlir. AMEA-nın son rəsmi açıqlaması bir daha təsdiq etdi ki, Akademiya elmi sınaq və təcrübələrin aparıldığı, müzakirələrin keçirildiyi beyin mərkəzinə çevrilmək əvəzinə, vaxtaşırı siyasi intriqalarla gündəm yaradan şər-şəbədə ocağına çevrilib.

Müəllifinin Mehdiyev olduğu zərrəcə şübhə doğurmayan son açıqlamada Milli Məclisin deputatlarının “trol”, “saxta” adlandırılması heç bir sağlam məntiqə sığmamaqla yanaşı, birmənalı şəkildə dövlətçiliyə qarşı verilmiş bəyanat kimi qiymətləndirilməlidir. Akademiyanın prezidenti Ramiz Mehdiyev haqlı tənqiddən, formalaşmış ictimai rəydən nəticə çıxarmadı, bəzi deputat həmkarlarımıza hücum çəkmək və Milli Məclisin nüfuzuna xələl gətirmək yolunu seçdi.

Reallıq belədir ki, Ramiz Mehdiyev rəhbərlik etdiyi dövrdə AMEA-nın mövcud elmi potensialından istifadə edə bilmədi, bu ali elm ocağını marjinallaşdıraraq qurumun cəmiyyətdəki nüfuzunu bilərəkdən ayaqlar altına saldı. Artıq yeni dönəmdir. Bu dönəmdə Akademiya siyasi intriqalar yaratmamalı, dövlətin aparıcı qurumlarını aşağılayan bəyanatlar uydurmamalı, elmi yenliklərlə cəmiyyətə töhfə vermək yolunu seçməli idi. Çox təəssüf ki, artıq AMEA-nın adı cəmiyyətdə elmi müzakirələr ocağı kimi deyil, siyasi qarayaxma məkanı kimi assosiasiya olunur.

Bütün bunları nəzərə alaraq, uzun müddət elmi fəaliyyətlə məşğul olan bir tədqiqatçı alim kimi inanıram ki, Ramiz Mehdiyevin tutduğu vəzifədən getməsi AMEA-nın itmiş nüfuzunun bərpasına töhfə verərdi.