vaxtlı-vaxtında oxuyun! Cümə, 19 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
REGİON  
17:14 | 3 iyun 2022 | Cümə Məqaləyə 362 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

SEPAH daha bir polkovnikini itirdi

Əli İsmayılzadənin ölümü barəsində ziddiyyətli xəbərlər var

CAVİDAN

MÖVZU İLƏ ƏLAQƏLİ

İran İnqilab Keşikçiləri Korpusunun (SEPAH) 840-cı Qüds qüvvələri bölməsinin polkovniki Əli İsmayılzadə müəmmalı şəkildə ölüb. Məlumata görə, o, mayın 30-da Kərəc şəhərinin “Cahannuma” məhəlləsində öz evində öldürülüb.

Ə. İsmayılzadə bundan öncə mayın 22-də Tehranda öz evinin qarşısında güllələnərək öldürülən polkovnik Həsən Səyyad Xudayinin yaxın silahdaşlarından biri olub.

Polkovnik Əli İsmayılzadənin ölüm xəbərinin bir neçə gün təxirlə yayılmasından sonra İnqilab Keşikçiləri Korpusunun komandanlığı və İran rəsmiləri onun ölümü barəsində ziddiyyətli məlumatlar veriblər.

SEPAH nümayəndələri İsmayılzadənin ailəsindən ayrıldığı və sarsıntı keçirdiyi üçün intihar etdiyini, bəziləri isə evinin damından yıxıldığı üçün həyatını itirdiyini iddia edirlər.

Hökumətə müxalif qaynaqlar isə polkovnik Əli İsmayılzadənin İsrailə casusluqda şübhəli bilindiyi üçün SEPAH tərəfindən aradan götürüldüyünü bildirirlər.

Qeyd edək ki, bundan öncə mayın 22-də Əli İsmayılzadənin yaxın silahdaşı SEPAH-ın yüksək rütbəli zabiti Həsən Səyyad Xudayi Tehranda öz evinin qarşısında iki motosikletçi tərəfindən güllələnərək öldürülüb.

Polkovnik Həsən Səyyad Xudayi 840-cı Qüds qüvvələri bölməsinin komandir müavini olub. 840-cı Qüds Qüvvələrinin missiyası İsrail maraqlarına zərbə vurmaq və İsrail vətəndaşlarına hücum etmək və bölgə ölkələrində İranmeyilli terror qruplaşmalarını təşkilatlandırmaqdan ibarətdir.