vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
SƏHİYYƏ, ORDU  
15:19 | 24 iyun 2022 | Cümə Məqaləyə 1302 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Yeni qapanmalar olacaq?

Növbəti pandemiya elan olundu

Təhməz ƏSƏDOV

MÖVZU İLƏ ƏLAQƏLİ

“Dünya Səhiyyə Şəbəkəsi meymunçiçəyini pandemiya elan edib. Dünya Səhiyyə Şəbəkəsi ilə Dünya Səhiyyə Təşkilatı (DST) eyni qurum deyil”. Bunu həkim-infeksionist Nilufər Məmmədova deyib.

Mütəxəssis bildirib ki, bu xəstəlik COVİD-19 kimi ciddi fəsadlara yol açmayacaq: “DST-ün mənbələrinə güvənmək lazımdır. Dünya Səhiyyə Təşkilatı nə zaman ki, meymunçiçəyini pandemiya elan etsə, deməli, o zaman ciddi bir təhlükə var, ona qarşı mübarizə aparmaq lazımdır. 

Təbii ki, indi də biz yenə də mübarizə aparmalıyıq, qorunma qaydalarını tətbiq etməliyik, bu təhlükəyə qarşı ölkə səviyyəsində müəyyən planlar hazırlanmalıdır. Amma DST tərəfindən hələ ki belə bir rəsmi məlumat gəlməyib.

Amma ümumilikdə götürsək, istənilən infeksion xəstəlik zaman-zaman epidemiyalara, pandemiyalara səbəb ola bilər. Xüsusən də onlarda mutasiyalar baş verdikdə. Çünki əvvəlki dövrlərdən fərqli olaraq dünya dövlətləri arasında sərhədlər açıqdır və turistik məqsədlə ölkələrə gediş-gəliş, giriş-çıxışlar çox olduğu üçün istər-istəməz xəstəliklərin pandemiyaya və epidemiyaya səbəb olma ehtimalı, riski hər zaman olacaq. Bu baxımdan hər hansısa bir xəstəliyin epidemiyaya, pandemiyaya çevrilməsi təəccüb doğurmamalıdır. 

Bu xəstəliyin COVİD xəstəliyi kimi ciddi fəsadları yoxdur. Təbii ki, istənilən xəstəlikdə yoluxan sayı nə qədər çoxdursa, əlilliyin və ölümün göstəriciləri də qısa zaman ərzində o qədər artmış olur. Bu da ölkə səhiyyə sisteminə ciddi ziyan vurur. Bu baxımdan qorunma qaydaları çox əhəmiyyətlidir”.

Qeyd edək ki, Dünya Səhiyyə Şəbəkəsi ötən gün meymunçiçəyini pandemiya elan edib.