Həftəlik tibb jurnalı olan “Lancet”də dərc edilən bir araşdırma, 2050-ci ilə qədər dünya əhalisinin yarıdan çoxunun şişman ola biləcəyini söylədi.

Yeni bir araşdırmaya görə, növbəti 25 il ərzində dünya üzrə yuxarı yaşlıların yarısından çoxunun artıq çəki və ya piylənmədən əziyyət çəkəcəyi bildirilir.

***

200-dən çox ölkədən alınan məlumatlara əsaslanan beynəlxalq araşdırmada tədqiqatçılar inkişaf etmiş və inkişaf etməkdə olan ölkələrdə ən mühüm sağlamlıq probleminə çevrilən piylənmənin gedişatını araşdırıblar.

Dünya Səhiyyə Təşkilatı (DST) artıq çəkiyə “orqanizmdə həddindən artıq yağ yığılması”, piylənmə isə “bədənin yağ kütləsinin arıq kütləyə nisbətinin artması, nəticədə bədən çəkisinin boyuna nisbətdə arzu olunan həddi aşması” kimi təyin edilir.

***

Tədqiqat 2021-ci ildən etibarən dünya üzrə yetkin əhalinin demək olar ki, yarısının artıq çəkidən və ya piylənmədən əziyyət çəkdiyini vurğuladı və 1990-cı ildən bu yana həm kişilərdə, həm də qadınlarda bu sağlıq problemi yaşayan insanların nisbətinin iki dəfə artdığını bildirdi. Tədqiqat müəyyən edib ki, mövcud tendensiyalar davam edərsə, 2050-ci ilə qədər artıq çəki və piylənmə nisbəti kişilərdə 57,4, qadınlarda isə 60,3 faizə çata bilər.

Araşdırmada xüsusilə uşaqlar, yeniyetmələr və gənclər arasında piylənmənin 121 faiz artacağı və 2050-ci ilə qədər şişman gənclərin sayının 360 milyona çatacağı proqnozlaşdırılır. Tədqiqat həmçinin 2050-ci ilə qədər piylənmənin Çin, Hindistan və ABŞ-da daha çox yayılacağı proqnozlaşdırıldığını bildirdi.