![](img/left_arrow.jpg)
![](img/right_arrow.jpg)
Dondurulmuş Rusiya aktivlərindən gələn 1,5 milyardlıq gəlir Ukraynaya köçürülüb
Rumıniya və NATO rəsmiləri PUA qalıqları ilə bağlı ard-arda açıqlama verib
Şimali Koreyalı hakerlər dünya şirkətlərindən məxfi məlumatları oğurlamaqda ittiham olunurlar
Ukrayna cəbhə xəttində qaydanı pozanlar 15 sutka həbslə cəzalandırılacaq
Şimali Koreya raket texnologiyaları çatdırılmasında kömək edən 5 şirkət və 6 şəxs qara siyahıda
Ukrayna son anda açıqladı
Moskva meri: “Bir il cəbhədə qalmaqla 5,2 milyon qazanmaq da mümkündür”
Zibillə dolu üç min şardan biri Prezident aparatının üzərinə düşüb
Hakerlərin əldə etdiyi Rusiya-Hindistan arasında imzalanan “S-400” sövdələşməsinin təfərrüatları və sənədləri
Ukrayna PUA-sı isə Krasnodarda Qafqaz limanını vurdu
“Rusca danışanların çənələri qırılmalıdır” fikri ilə məşhurlaşmışdı
Şimali Koreya lideri Rusiya rəsmisi ilə hərbi əməkdaşlığı müzakirə edib
Zelenski müharibə bitənə qədər postunda qalacaq
Britaniyanın baş naziri Starmer: “... Biz Ukraynanın yanında olacağıq”
Starmerdən AB mesajı: “Təhlükəsizlik və rifah naminə güclü bir qüvvə kimi görürəm”
Ukraynanın PUA hücumundan qorxan Putin sarayını qalaya çevirdi
Şimali Koreya Rusiya ilə heç bir “silah müqaviləsi” bağlamadığını bildirib və bu ittihamları “respublikanın imicini ləkələmək” cəhdi adlandırıb. Bu barədə Koreya Mərkəzi Teleqraf Agentliyi (KCNA) ölkənin Müdafiə Nazirliyinə istinadən bildirib.
Bundan əvvəl ABŞ Şimali Koreyanın Moskvaya külli miqdarda silah tədarük etdiyini açıqlayıb və Koreya Xalq Demokratik Respublikasını (KXDR) əlavə sanksiyalarla hədələyib.
Pxenyan “Rusiya ilə heç vaxt silah müqaviləsi olmadığını” deyib.
“Biz bir daha aydın şəkildə bildiririk ki, bizim Rusiya ilə heç vaxt “silah müqaviləmiz” olmayıb və gələcəkdə bunu etmək planımız da yoxdur”, ölkənin Milli Müdafiə Nazirliyinin bəyanatında deyilib.
KXDR Müdafiə Nazirliyinin Silahlar Baş İdarəsinin rəis müavini silah alqı-satqısı versiyasını “respublikaya qarşı böhtan” adlandırıb. “Biz ABŞ-ın bu cür intriqalarını respublikamızın beynəlxalq aləmdə imicinə xələl gətirmək üçün düşmənçilik cəhdlərindən biri kimi qiymətləndiririk”, – bəyanatda bildirilib.
Noyabrın əvvəlində ABŞ Milli Təhlükəsizlik Şurasının kommunikasiyalar üzrə koordinatoru Con Kirbi CNN telekanalına deyib ki, Şimali Koreya payızın əvvəlində Rusiyaya xeyli miqdarda artilleriya mərmiləri göndərib. Ertəsi gün Dövlət Departamenti bu səbəbdən ABŞ-ın İrana qarşı tətbiq edilən sanksiyalara bənzər sanksiyalardan Şimali Koreyaya qarşı da istifadə edəcəyini bildirib.
Dövlət Departamentinin sözçüsü Ned Prays Şimali Koreyanın gizli olaraq Rusiyaya xeyli artilleriya mərmiləri verdiyini, lakin bu tədarüklərin əslində haraya ünvanladığını gizlətdiyini bildirib. O əlavə edib ki, Şimali Koreya onları Yaxın Şərq və ya Şimali Afrika ölkələrinə çatdırılma kimi təqdim edir.
Noyabrın 5-də Şimali Koreyadakı hadisələri izləyən Vaşinqtonda yerləşən “North 38” adlı mərkəz Şimali Koreyadan Rusiyaya şübhəli qatarın gəldiyini bildirib. Mütəxəssislərin fikrincə, belə qatarların hərəkəti son bir neçə ildə ilk dəfədir müşahidə olunur.
Qərb ölkələrinin bəyan etdiyi kimi, Rusiya Ukrayna ilə müharibədə artıq İran istehsalı olan “Şahed-136” kamikadze dronlarından istifadə edir. Rusiya onlardan xüsusilə oktyabrın 10-11-də Ukrayna şəhərlərinə kütləvi hücumlar zamanı istifadə edib.
İran artıq Rusiyanı “Şahed” dronları ilə təmin etdiyini etiraf edib. Lakin o, dronların Rusiyaya Ukraynaya genişmiqyaslı müdaxilənin başlamasından əvvəl göndərildiyini iddia edib.