vaxtlı-vaxtında oxuyun! Şənbə, 15 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
AMERİKA  
16:16 | 4 dekabr 2022 | Bazar Məqaləyə 676 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Twitter sənədləri” ABŞ-ı çalxalayır

Respublikaçı konqresmenlər Co Baydenin oğlu ilə bağlı senzurada iştirak edən hər kəsi dinləməkdə qərarlıdır

CAVİD

MÖVZU İLƏ ƏLAQƏLİ

Respublika partiyasının konqresmenləri “Twitter”in işçilərini Konqresə çağırıb onları dinləməyə söz verdilər. Konqresmenlər “The New York Post”un Hanter Baydenin (Co Baydenin oğlu) noutbuku ilə bağlı xəbərlərlə və onların başına gələnlərlə yaxından maraqlanırlar.

Cümə günü “Twitter”in yeni sahibi İlon Musk və jurnalist Matt Taibbi, 2020-ci il prezident seçkilərinə bir neçə gün qalmış Rusiyanın mümkün haker əməliyyatından qorxaraq “Twitter”in xəbərləri müvəqqəti olaraq necə məhdudlaşdırdığını göstərən bir sıra gizli sənədlərini yayımladı.

Maskın bir neçə gün ərzində bomba açıqlaması siqnalından sonra, Taibbinin uzun tvit seriyası hadisə haqqında yalnız məlum olanları təsdiqlədi.

"Twitter Faylları" deyilən sənədlər o vaxt Co Bayden vəzifədə olmamasına rəğmən, hüquq-mühafizə orqanlarının əməkdaşlarının səlahiyyətlərini aşmasını dəlili idi. Bu da bir çox sağçı analitikləri və siyasətçiləri səfərbər etdi.

Yanvar ayında Respublikaçılar Konqresə nəzarəti ələ keçirdikdə ABŞ Nümayəndələr Palatasının Nəzarət Komitəsinə sədrlik edəcək Ceyms Komer cümə günü axşam “Fox News”a deyib ki, o, məsələni fəal şəkildə izləməyi planlaşdırır.

“Biz hamını “Twitter”də Nümayəndələr Palatasının Nəzarət Komitəsinin qarşısına çıxaracağıq”, – deyə Komer bildirib.

Hanter Baydenin noutbuku ilə bağlı xəbərlərin bloklanmasında iştirak edən iştirak edən istənilən “Twitter” əməkdaşı Konqres qarşısında çıxış etmək və öz hərəkətlərini ABŞ ictimaiyyətinə izah etmək imkanı əldə edəcək.

Taibbinin gecə saatlarında yazdığı silsilə tvitlər, “Twitter”in hüquq, siyasət və kommunikasiya komandasındakı işçilərin “The New York Post” məqaləsini müvəqqəti olaraq silmək qərarını necə müzakirə etdiklərini təfərrüatlandırdı.

Bəzi işçilər bu qərarın şirkətdə respublikaçılara qərəzlilik ittihamlarını arırtacağından qorxurdular. Nəhayət, bu xəbərlər şirkətin ələ keçirilən materialların yayılması siyasətinin bir hissəsi kimi silindi.

Komer, Mask və başqaları iddia edirlər ki, FTB-nin Hanter Baydenin noutbuku ilə bağlı məlumatları silmək üçün “Twitter”ə təzyiq göstərməsi ABŞ Konstitusiyasındakı Birinci Düzəlişin pozdulmasının sübutudur.

Bu iddia Taibbinin “noutbuk insidentində hökumətin iştirakı ilə bağlı heç bir dəlilin olmadığını” yazması ilə alt-üst oldu.

Taibbinin silsilə tvitləri də göstərdi ki, həm Demokratlar, həm də Respublikaçılar dəfələrlə “Twitter”dən zərərli hesab etdikləri materialı silməyi tələb ediblər.