vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
BÖHRAN  
21:34 | 23 may 2024 | Cümə axşamı Məqaləyə 1022 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusiya-Fransa arasında nüvə gərginliyi

Moskvanın “Kinjal” sınağına Paris “Durandal əməliyyatı” ilə cavab verib

CAVİD

MÖVZU İLƏ ƏLAQƏLİ

Rusiyanın nüvə silahı təlimindən sonra Fransa da nüvə başlıqları daşıya bilən raketləri sınaqdan keçirib. Fransanın müdafiə naziri Sebastien Lekornu öz “Twitter” hesabında etdiyi paylaşımda Fransa Hərbi Hava Qüvvələrinə məxsus təyyarələrin “ASMPA-R” raketlərini sınaqdan keçirdiyini açıqlayıb.

“Rafale” döyüş təyyarələrinin qatıldığı “Durandal əməliyyatı” adlı təlimdə səsdən sürətli nüvə raketlərinin ilk sınağı uğurla həyata keçirildiyi bildirilib.

Lekornu bildirib ki, uzun müddətdir planlaşdırılan təlimin uğuru Fransanın nüvə qarşısının alınması qabiliyyətini nümayiş etdirir. “Durandal əməliyyatı” çərçivəsində mayın 13-də başlayan təlimlərin iyunun 14-də başa çatması planlaşdırılır.

İngiltərənin tanınmış qəzetlərindən olan “The Guardian” bu təlimin Rusiyanın nüvə raket sınaqlarından sonra keçirildiyinə diqqət çəkib.

Rusiya Müdafiə Nazirliyi bu günlərdə verdiyi açıqlamada, nüvə başlıqları daşıya bilən "İskəndər" və “Kinjal” raketləri ilə təlim keçirildiyini bildirib.

Təlimlər Rusiyanın Cənub Hərbi Dairəsində baş tutub. Sözügedən bölgəyə Rusiyanın 2014-cü ildə ilhaq etdiyi Krım, həmçinin 2022-ci ildə Ukraynanın cənubunda zəbt etdiyi 4 rayon daxildir.

Rusiya prezidenti Vladimir Putin mayın 6-da əməliyyata göstəriş verərkən verdiyi açıqlamada təlimlərin “Qərb rəsmilərinin təxribatçı bəyanatlarına və təhdidlərinə cavab olaraq keçiriləcəyini” bildirib.

Putinin bəyanatı Fransa prezidenti Emmanuel Makronun Ukraynaya hərbi qüvvələr göndərilməsinin mümkünlüyünü bir daha təkrar etməsindən sonra verilib.

Mayın 2-də Böyük Britaniyanın “The Economist” jurnalında dərc olunan müsahibəsində Makron iddia edib ki, Rusiya irəliləyişini davam etdirsə və rəsmi Kiyev kömək üçün qoşun tələb etsə, Ukraynaya ordu göndərilməsi “qanuni” olacaq.

Moskvanın müharibədə qalib gəlməsinə icazə verilməyəcəyini ifadə edən Makron, “Rusiya Ukraynada qalib gəlsə, Avropada təhlükəsizlik olmayacaq”, – deyib.