Birləşmiş Millətlər Təşkilatının (BMT) Baş Assambleyası cümə axşamı Təhlükəsizlik Şurasının beş yeni qeyri-daimi üzvlərini mübahisəsiz və anti-klimaktik yarışda təsdiqləyib. Ekvador, Yaponiya, Malta, Mozambik və İsveçrənin hər biri qüdrətli 15 üzvdən ibarət şurada iki illik səlahiyyətlərini təsdiqləmək üçün üzv dövlətlərin lazımi üçdə iki səs çoxluğunu alıb. Səlahiyyət müddəti 2023-cü il yanvarın 1-dən başlayacaq.

Şurada yerlər regional qruplaşmalar əsasında ayrılır və bu il blokların hər biri nəticə ilə bağlı real şübhələri aradan qaldıraraq yalnız vahid namizəd irəli sürüb. Nəticə etibarı ilə namizəd ölkələr ənənəvi tədbirlər olmadan özlərini tanıdıb. COVİD-19-un uzanan dalğaları da böyük tədbirlərə mane olub.

Statistikanı izləyən Təhlükəsizlik Şurasının hesabatına görə, yeni üzvlər arasında 11 il müddətində şurada olan Yaponiya ən çox təcrübəyə malikdir.

Birləşmiş Millətlər Təşkilatına İsveçrə yalnız 2002-ci ildə üzv olub, Mozambik heç vaxt şurada yer almayıb.

Şura beynəlxalq sülhün və təhlükəsizliyin qorunması ilə məşğul olur və qanuni qüvvəyə malik qətnamələr qəbul etmək, sülhməramlı missiyaları yerləşdirmək və sanksiyalar tətbiq etmək səlahiyyətinə malikdir.

Ekvador, Yaponiya, Malta, Mozambik və İsveçrə Hindistan, İrlandiya, Keniya, Meksika və Norveçi əvəz edəcək. Onlar Albaniya, Braziliya, Qabon, Qana və Birləşmiş Ərəb Əmirliklərinə qoşulacaqlar, onların hər birinin bir il qeyri-daimi müddəti var.

BMT-nin hüququna malik daimi beş üzv var- İngiltərə, Çin, Fransa, Rusiya və Birləşmiş Ştatlar.