Fransada ifrat sağçı “Rassemblement National” (RN) partiyasının ən güclü namizədi Marin Le Pen 4 il həbs edildi. Avropa Parlamentinin vəsaitlərinin qeyri-qanuni istifadəsinə görə beş illik siyasi qadağa qoyulub.

Paris Cəza Məhkəməsinin 2025-ci il martın 31-də verdiyi bu qərar dərhal qüvvəyə minəcək və Marin Le Penin 2027-ci il seçkilərində iştirakını hüquqi cəhətdən qeyri-mümkün edəcək.

Məhkəmə qərarına əsasən 4 il həbs (2 il qəti) ev dustaqlığı və elektron izləmə, 100.000 avro cərimə və 5 il siyasi qadağa – dərhal qüvvəyə minir.

Qərardan apellyasiya şikayəti verilə bilsə də, hökmlə bərabər siyasi qadağa da tətbiq olunacaq. Belə ki, apellyasiya prosesi davam etsə də, Le Pen heç bir seçkidə iştirak edə bilməyəcək.

Le Pen hökm elan edilmədən məhkəmə zalını tərk etdi. RN lideri bu axşam saat 20:00-da TF1-in əsas xəbər yayımında qonaq olacaq və ictimaiyyətə açıqlamalar verəcək.

RN-nin hazırkı lideri Jordan Bardella qərara sərt reaksiya verdi: "Bu gün təkcə Marin Le Pen deyil, Fransa demokratiyası da cəzalandırıldı."

Macarıstanın baş naziri Viktor Orban da sosial mediada “Mən Le Penin yanındayam” deyərək dəstək mesajı paylaşıb.

Fransız sağının aparıcı simalarından biri olan Erik Çiotti qərarı “məhkəmə sui-qəsdi” kimi xarakterizə edib: “Fransa hələ də demokratikdirmi? Gözlər indi RN daxilində liderlik rolunu alacağı gözlənilən Jordan Bardelladadır. Bardella Le Pen kimi güclü populyar dəstək bazasına malikdir və 2027-ci il seçkiləri üçün yeni sima olmağa hazır ola bilər.