ABŞ prezidenti 2027-ci ildə Fransada keçirilməsi planlaşdırılan prezident seçkilərinin favoritlərindən olan Marin Le Penə qoyulan 5 illik siyasi qadağaya da münasibət bildirib və “Marin Le Peni rahat buraxın” dedi.

Marin Le Penə qarşı ifritə ovu Avropa solçularının ifadə azadlığını boğmaq və siyasi rəqiblərini senzura etmək üçün qanundan müharibə aləti kimi istifadə etmələrinin daha bir nümunəsidir. Bu dəfə o qədər irəli gediblər ki, rəqiblərini həbs etdilər.

78 yaşlı siyasətçi həmçinin deyib: “Marin Le Peni şəxsən tanımasam da, onun bu illər ərzində zəhmətkeşliyinə heyranam. O, itkilər verdi, amma mübarizəni davam etdirdi. İndi, düz Böyük Qələbədən əvvəl, yəqin ki, heç bir fikri olmadığı kiçik bir ittihamla onu rədd edirlər. Mənə də mühasibat səhvi kimi gəlir. Bütün bunlar hansı tərəfdə olmasından asılı olmayaraq Fransa və böyük fransız xalqı üçün yaxşı deyil”.

Trampın komandasının üzvü Elon Musk da Fransadakı qərara “Radikal sollar demokratik səsvermə yolu ilə qalib gələ bilməyən rəqiblərini həbs etmək üçün məhkəmə sistemindən sui-istifadə edir”, – deyərək reaksiya verib.

2004-2016-cı illərdə Fransada Milli Cəbhədən seçilmiş bəzi deputatlar, o cümlədən 2004-2016-cı illər arasında Avropa Parlamentində “qondarma iş” yaratdıqları iddiası ilə istintaq başladılıb.

Adı 2108-ci ildə Milli Birlik olaraq dəyişdirilən partiyasının aparıcı simaıları – keçmiş prezidentliyə namizəd Marin Le Penin və keçən il dünyasını atası Jan-Mari Le Penin də daxil olduğu 27 partiya üzvünə korrupsiya (AB maliyyəsini şəxsi məqsədlər üçün istifadə etmə) ittihamı ilə 2024-cü ilin sentyabrında Paris Cinayət Məhkəməsində iddia qaldırılmışdı.

Paris Cəza Məhkəməsi bazar ertəsi Marin Le Penə qoyulan 5 illik siyasi qadağanın dərhal həyata keçirilməsinə qərar verib. O, həmçinin iki ili şərti, iki ili isə elektron qolbaqla nəzarət altında keçirilməklə dörd il həbs cəzasına məhkum edilib və 100 min avro cərimələnib.

56 yaşlı Le Pen hökmün oxunmasını gözləmədən məhkəmə zalını tərk edib. Onun vəkilləri qərardan apellyasiya şikayəti verəcəklərini açıqlamışdılar.

Fransa Ali Məhkəmə Şurasının bəyanatında deyilir: “Şəxsən hakimləri hədəf alan təhdidlər və siyasi liderlərin, xüsusən də istintaqın mahiyyəti və ya hökmlə bağlı açıqlamaları demokratik cəmiyyətdə qəbuledilməzdir”.

Fransa prezidenti Emmanuel Makron da bildirib ki, məhkəmə sistemi müstəqildir və hakimlər qorunmalıdır.