Rusiya lideri Vladimir Putin sui-qəsd qorxusundan Kremlin sərt təhlükəsizlik mexanizmindən çıxmaq istəmir. Britaniyanın “The Mirror” qəzetinin Rusiya prezidentilə bağlı yeni iddia ilə çıxış edib.

İddiaya görə, Rusiya prezidenti yaxın çevrəsinə etibar etmədiyi və sui-qəsdə uğrayacağı səbəbindən Kremlin təhlükəsizlik arealını nadir hallarda tərk edir.

Artan müharibə təzyiqi fonunda 72 yaşlı lider təhlükəsizlik tədbirlərini gücləndirib. Ukrayna münaqişədə ölən, itkin düşən və ya yaralanan əsgərlər də daxil olmaqla itkilərin milyona yaxınlaşması Rusiya cəmiyyətinə məlum olub.

***

Ekspertlər iddia edirlər ki, bu xəbərlərin fonunda Putin Ukrayna lideri Vladimir Zelenski ilə qarşıdurmaya getməkdə tərəddüd etdiyi üçün bu gün Türkiyədə keçirilən sammitə qatılmayıb.

Qərb kəşfiyyat analitikləri deyirlər ki, Putin artıq təkcə sui-qəsddən qorxmur, həm də müharibədə apardığı “ətçəkən” siyasətindən narahatdır.

***

Britaniyanın Kimyəvi, Bioloji, Radioloji və Nüvə Birgə Alayının keçmiş komandiri, polkovnik Hamiş de Bretton-Qordon, “Məndən daha yaxşı bilən analitiklər var və onlar Putinin indi psixoloji baxımdan yarımcanlı olduğuna və Ukraynadakı müharibənin onun sonu olacağına inanırlar”, – deyib.

***

Mütəxəssislərin fikrincə, Putin zaman qazanmağa davam edə bilməz və Zelenskinin Türkiyədə onunla üz-üzə görüşmək çağırışı Rusiya prezidentinin blefini açıq-aşkar göstərdi. Təhlükəsizlik tədbirləri artdıqca Rusiya liderinin inanılmaz dərəcədə paranoyaklaşdığı da iddia edilib.

“Rusiyada Putin üçün işlər pisdir. Moskvada yaxşı qərarlar qəbul etməyən liderin başına nə gələcəyi aydındır. Deməli, o, paranoyak olmaqda haqlıdır”, – britaniyalı rus kəşfiyyatçı analitik deyib.

***

Əfqanıstandakı Britaniya qüvvələrinin keçmiş komandanı, polkovnik Riçard Kemp, “Putini öldürmək istəyən çoxlu insan var. Lakin onun təhlükəsizliyi o qədər möhkəmdir ki, bunun mümkün olub-olmadığına dair real sual var və mən hesab edirəm ki, hazırda bu, çox çətin görünür”, – deyib.

***

Rusiya mətbuatı yazır ki, Putin 2023-cü ildən gülləkeçirməz jilet geyinməyə başlayıb. Prezident Təhlükəsizlik Xidməti, Putinin təhlükəsizlik detalı, tədbirin alınmasını təklif etmişdi. Üstəlik, Putin mühafizəçilərinə belə tam etibar etməyə bilər.

Onun mühafizəçiləri iddia edirlər ki, Rusiya lideri tez-tez təhlükəsizlik xidmətlərinə harada olması barədə yalan məlumatlar verir.