Bu il Milli İnternet Mükafatı – “MilliNet2025” müsabiqəsinə hazırlıqlara başlanıb. Ötən gün “MilliNet” TK-nın bu məqsədlə ilk toplantısı keçirilib.

Xatırladıram ki, ötən il “MilliNet” yarışması keçirilməyib və bu haqda məlumat verilib.

Ənənəvi olaraq “MilliNet2025”ə  sentyabrda start verilməsi və dekabrda yekunlaşdırılması nəzərdə tutulub.

Qaydalarda bəzi dəyişikliklər olsa da, əsasən əvvəlki Qaydalar qüvvədə olacaq.

“MilliNet”in xüsusi nominasiyası, “İlin Rəqəmsal Siması” nominasiyası üzrə seçimlərə fərqli yanaşmalar gözlənilir.

Müsabiqənin cari ildə keçirilməsi ilə bağlı bir çox məsələlər artıq öz həllini tapıb. Sponsorlarla bağlı müraciətlər var. Bəziləri təsdiq edilib. Sponsorluq və dəstəklə bağlı müraciətlərə açığıq.

Əsas məsələni, qiymətləndirməni həyata keçirəcək münsiflərin rotasiya qaydasında yenilənməsi aparılır və yeni tərkib formalaşdırılacaq.