
“Eyni yolun yolçuları deyilik”
“Tənqid bir yana, fərqli fikirdən söhbət gedə bilməz”
“Tənqid bir yana, fərqli fikirdən söhbət gedə bilməz”
Biz təxribat törətmirik, təxribatları da cavabsız qoymuruq!
«Rəsmi Bakı Moskvanı xəbərdar etməlidir»
Sakinlər: «Mülki şəxs görən kimi atəş açırlar»
Ermənilər Azərbaycan kəndini atəşə tutdular - 13 yaşlı qız yaralandı
İlham Rəhimovun Ruhiyə qayıdışı, nigahdankənar uşaqlar və milyardlarla dollarlıq varidat...
İlham Rəhimovun Ruhi il barıması ilginc proseslərin başladacağı ehtimalını gücləndirir
General: «Bu dəfə ermənilərə fəlakət zərbəsi endiriləcək»
Ermənistan ordusu sərhəddə «Şmel» odsaçanından istifadə etdi
Tarif Şurası qaz və elektrik enerjisinə görə tətbiq etdiyi güzəştlərə...
Xarici borc 1 milyard dollara yaxın artıb
Qışda qazın, yayda elektrik enerjisinin...
... və ya bir daha Tarif Şurasının qərarının fəsadları haqqında
İslahatlar çox gec görünür
«Azəriqaz» tarif artımı ilə bağlı açıqlama verdi
Qiymətlərin qalxması nə ilə əsaslandırılır və hansı bazarlara təsirləri ola bilər?
Sərhəd kəndlərində əvvəllər ancaq təmas xəttinə yaxın evlər üçün olan təhlükə indi ətrafda yaşayanları da sarıb. İriçaplı güllələrinin evlərin dam örtüyünə dəyib necə alov çıxarması açıqca görünür. Tovuzun Koxanəbi kəndində axşam saatlarında sakinlərin həyətində közərti belə görünmür. Hamı qarşı tərəfin hədəfinə çevrilməsin deyə işığı söndürür.
Alovlu güllələr təkcə, evləri, məktəbləri, maşınları deyil, canlıları da hədəf seçir. Hələ ötən ay Koxanəbidə mal-qara tövləsi atəşə tutulub. İki inək ölüb.
Mal-qarası öldürülən Elşən Tağıyevin gileyi isə dinc dövrdə belə işıqdan məhrum edilmələridir. Danışır ki, belə ağır şəraitdə yaşasalar da 35 manat borca görə rayonun enerji idarəsi sayğacını möhürləyib: «Sayğacımız var, bax burdadır. Deyirəm imkanım yoxdur, olanda ödəyərəm. Deyir onda kəsəcəm işığınızı. Adam gətirib rayondan işığımızı kəsiblər. Deyir pul vermirsən. Maraqlanan yoxdur ki, bu adamın evini güllə dağıdıb, heyvanı ölüb. Amma işıq pulu vermirsən deyə enerjini kəsirlər. Hazırda işıq yoxdur, qaranlıqda qalırıq».
Elşən Tağıyev deyir ki, kreditlə aldığı və Ermənistan hərbiçilərinin gülləsindən ölən mal-qarası üçün ona aidiyyəti qurumlar heç bir kompensasiya verməyiblər.
Koxanəbinin başqa sakini Səltənət Abbasova isə 2 mərtəbəli evində tək yaşayır. Deyir ki, yoldaşı vəfat etdikdən sonra çətin şəraitə dözməyən 5 övladından biri belə kənddə qalmayıb. Kimisi xarici dövlətlərə iş üçün üz tutub, kimisi isə aşağı kəndlərə, rayon mərkəzinə köçüb. Ancaq o, yaşının 80-ni haqlamasına baxmayaraq gəlin köçdüyü bu evi atıb getmir. 68 manat təqaüdü ilə təkcə dolanmağa çalışır. O da gileylənir ki, dinc dövrdə istifadə etdiyi enerjinin pulunu ödəyə bilmir. Deməsinə görə, elə olub ki, tək və qaranlıqda yaşayaraq növbəti təqaüd vaxtını gözləyib.
İşıqsız qalan başqa bir sakin Rəhim Əsədov isə «Azadlıq»a bildirir ki, belə çətin şəraitdə yaşayanlara heç olmasa enerji və mavi yanacağa görə güzəştlər edilməlidir: «Bax, imkanımız yoxdur, işləyə bilmirik. Gəlir işıq pulu istəyir, verə bilmirik, kəsir, çıxır gedir. Deyirlər yaxşı edirik, yaşaya bilmirsinizsə, çıxın gedin. Əsas odur ki, pul verin. Hər axşam da atışmadır. Meşələrin, talaların kənarında yaşayırıq...»
Koxanəbi icra nümayəndəsi Nəsib Hüseynov deyir ki, kənddə mütəmadi olaraq atışma olsa da sosial vəziyyət o qədər də pis deyil. İcra nümayəndəsi qeyd edir ki, atışma baş verəndə dəyən zərər Fövqəladə Hallar Komissiyası tərəfindən qeydiyyata alınır və nazirlər kabinetinə göndərilir. Cavabı gözləmək lazımdır.
Rayonun Qaz İstismarı və Enerji Satışı İdarəsindən də bildirdilər ki, sakinlərə hansısa güzəştdən söhbət gedə bilməz. Kim sayğacdan istifadə edirsə yaşadığı yerdən və şəraitdən asılı olmayaraq ödəniş etməlidir.
İqtisadi Təşəbbüslər Mərkəzinin rəhbəri Qubad İbadoğlu isə deyir ki, ucqar kəndlərdə və müharibə şəraitində olan ərazilərdə güzəştlər zəruridir. Onun fikrincə, Azərbaycanın büdcəsi belə insanları kommunal xərclərindən azad etməyə imkan verir.
Tovuzun Ermənistanla sərhəd kəndlərində - Koxanəbi və Əlibəylidə isə həyatlarını təhlükə və sosial şəraitsizlik içində keçirən 5 min nəfərdən çox sakin yaşayır.