4 min mühafizəçi SOCAR-dan qovulur

vaxtlı-vaxtında oxuyun! Bazar, 16 noyabr 2025

1 USD = 1.7 AZN

1 EUR = 1.6977 AZN

1 RUB = 0.0272 AZN

1 GBP = 1.9671 AZN

1 TRY = 0.0914 AZN

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)

15:12 | 28 noyabr 2013 | Cümə axşamı Məqaləyə 5994 dəfə baxılıb Şriftin ölçüsü Xəbərin şriftini kiçilt

4 min mühafizəçi SOCAR-dan qovulur

Rəsmilərsə məlumatı təkzib etdi

İlahə, Virtualaz.org

MÖVZU İLƏ ƏLAQƏLİ

Dövlət Neft Şirkətinin (ARDNŞ) Təhlükəsizlik İdarəsi bağlanır. 4 min işçi ixtisara salınır. Bu məlumatı adıçəkilən idarədə işləyənlər veriblər. Mühafizə xidmətinin işçiləri deyiblər ki, onlara özlərinə başqa yerlərdə iş tapmaq üçün iki-üç ay vaxt verilib.

Daha çox «ARDNŞ Mühafizə Xidməti» adı ilə tanınan Təhlükəsizlik İdarəsinin işçiləri bildiriblər ki, onlar bu xəbərdarlıqdan narahatdır, çünki işsiz qalacaqlar: «Bizə vaxt veriblər ki, özümüzə iş yerləri tapaq. Heç yerdə iş salıb itirməmişik ki, onu tapaq da. Hara gedəcəyik? Hərəmizin bir çətən külfəti var. 4 min işçinin ailə üzvlərini də üstlərinə gəlsək, belə çıxır ki, ARDNŞ prezidenti Rövnəq Abdullayevin bu qərarı nəticəsində ən azı 20 min insan ac qalacaq».

ARDNŞ Təhlükəsizlik İdarəsinin işçiləri ən yaxşı halda Bakıdakı yaşayış binalarının və obyektlərin tikintilərində iş tapa biləcəklərinə ümid edirlər. Nəzərə alsaq ki özəl şirkətlərin tikinti bumu seyrəlib, onda bu ümidlərin doğrulacağı da sual altına düşür.

ARDNŞ işçilərinin verdiyi digər məlumata görə, Təhlükəsizlik İdarəsi ləğv olunandan sonra hazırda fəaliyyət göstərən 36 komandadan 11-i saxlanılacaq. Həmin komandalar isə «Pro-Sekurity» adlı mühafizə şirkəti ilə müqavilə əsasında yenidən işə götürüləcək.

Yada salaq ki, Təhlükəsizlik idarəsinin işçiləri həm Dövlət Neft Şirkətinin, həm də müqavilə əsasında özəl neft strukturlarının mühafizəsi ilə məşğul olur. Onlar əsasən şirkətin strateji obyektlərinin mühafizəsinə cavabdehlik daşıyırlar. Aylıq məvacibləri 350 manat civarındadır.

Dövlət Neft Şirkətinin mətbuat xidmətinin rəhbəri Nizaməddin Quliyev isə açıqlamasında xəbəri təkzib etdi: «Yaxın vaxtlarda şirkətin hər hansı idarəsində ixtisar gözlənilmir».

ARDNŞ rəsmisindən əslində elə bu cür rəsmi cavabdan başqa heç nə gözləmirdik də. Onu dərc etməklə yanaşı bunu da vurğulamalıyıq: bu ixtisar xəbərini redaksiyamıza ixtisar olunacaqları barədə konkret rəsmi şəxslərdən konkret xəbərdarlıq alan konkret əməkdaşlar veriblər...

Qeyd edək ki, ARDNŞ-in Sosial İnkişaf Departamenti də bu yaxınlarda ləğv olunub və xeyli işçi ixtisara salınıb. Şirkətin tabeliyindəki «Azəriqaz»da da bir neçə qurumun ləğv ediləcəyi və ixtisarların aparılacağı planlaşdırılıb. «Azəriqaz» əməkdaşlarına bununla bağlı şifahi xəbərdarlıq da edilib. Bunu jurnalistlərlə söhbətində qurumun əməkdaşları deyiblər.

Qeyd edək ki, bu ixtisarlar əslində neft gəlirlərini gözlənilən azalması ilə bağlıdır.

4 min mühafizəçi SOCAR-dan qovulur

Rəsmilərsə məlumatı təkzib etdi

İlahə, Virtualaz.org

MÖVZU İLƏ ƏLAQƏLİ

SON DƏQİQƏ

ANKET

Hansı sahəyə diqqət artırılmalıdır?

İQTİSADİYYAT

BANK, BİRJA, SIĞORTA

SƏNAYE, AQRAR

SAHİBKARLIQ

ENERGETİKA

SOSİAL

TURİZM, NƏQLİYYAT

ƏN ÇOX ...

OXUNAN