vaxtlı-vaxtında oxuyun! Çərşənbə, 13 noyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
TURİZM, DAŞIMAÇILIQ, NƏQLİYYAT  
18:39 | 18 dekabr 2017 | Bazar ertəsi Məqaləyə 1804 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycanda halal standartlar necə işləyəcək?

Rəhman Səfərov: «Biz Malaziya və Türkiyə təcrübəsini əsas götürmüşük»

Səadət AKİFQIZI

MÖVZU İLƏ ƏLAQƏLİ

«Bu standarta görə musiqi də xüsusi seçilməlidir, yeməklərin tərkibinə də diqqət edilməlidir», halal standartı barədə «BBC Azərbaycanca»ya danışan Azərbaycan Turizm və Menecment Universitetinin turizm və qonaqpərvərlik fakültəsinin dekanı Rəhman Səfərov bildirir. O, «Halal idarəetmə sistemi-Hhotellər» adlı dövlət standartı layihəsinin müəlliflərindən biridir. Belə bir standartın hazırlanmasını Mədəniyyət və Turizm Nazirliyi sifariş edib.


- Rəhman müəllim, bu standartın hazırlanması zərurəti hardan doğub?

- Son vaxtlar ölkəyə ərəb ölkələrindən, İslam dövlətlərindən gələn turistlərin sayı artıb. Malayziyada, Türkiyədə də «halal hotel» standartı yaradılıb. Yaxın 5 ildə bu ölkələrdən turistlərin sayının artacağı gözlənir. Ona görə də hotel, əyləncə mərkəzləri və restoranlarda İslam həyat tərzinə uyğun qaydaların tətbiqinə ehtiyac var.

 

- Standartlarda nələr özünü əks etdirəcək?

- Əyləncə mərkəzlərində xanımlar və bəylərə fərqli xidmətlər göstəriləcək. Yeməklərin tərkibinə donuz ətinin daxil edilməməsi standarta aiddir. Hamam, tualet və duşlarda olan sabun, şampun və s. təmizlik vəsaitlərində qoyulan normalar gözlənilməlidir. Hoteldə ümumi istifadə edilən kişi və qadın tualetlərində həm normal (Avropa tipli) unitaz, həm də döşəmə (Şərq tipli) unitazı olmalı, tualetin kabinələr arası bölmələri döşəmədən başlayaraq boşluqsuz bağlı olmalıdır. O cümlədən, kişi və qadın üzmə hovuzu ayrı olmalı, açıq və ya qapalı üzmə hovuzları yeganə olduqda kişi-qadın növbəsi müəyyən edilərək istifadə edilməlidir. 6 yaşdan yuxarı uşaqlar barəsində həmcins ayrı-seçkiliyinə riayət edilməlidir. Masaj otağı varsa, kişilər üçün kişi, qadınlar üçün qadın xidmətçi olmalıdır.

 

- Hotelin tamamilə bu standarta uyğun olması nəzərdə tutulur, yoxsa, qarışıqmı?

- Hotel, ya bir hissəsini bu standartlara uyğun hazırlaya bilər, ya da ki, tamamilə, bu standart əsasında düzənlənə bilər. Effektiv olması üçün hotelin, ya əyləncə mərkəzinin, ya da restoranın bütün kompleksinin bu standarta cavab verməsi yaxşıdır. Çünki axtarış portallarına, məsələn, «halal booking»ə baxanda məhz belə obyektlərə tələbat olduğunu görürük. Düzdür, Azərbaycanda hotel, ya restoran kompleksini tamam «halal standarta» uyğunlaşdırsa, ola bilsin, hələ ki, Malayziya ilə müqayisədə müştəri bolluğu ilə üzləşməsin, amma 5 ildən sonra müştəri qıtlığı yaşamayacaq, dediyim kimi, bu ölkələrdən gələnlərin sayı artan xətlədir.

 

- Bu standartı tətbiq edən obyektə lisenziya veriləcək?

- Onlara bu standartı tətbiq etdiyini sübut edən sertifikat veriləcək. Sonra isə mütəmadi nəzarət ediləcək ki, standartın tələblərinə əməl edilir, ya yox. Layihəyə əsasən, standartın ilkin yoxlama müddəti 2022-ci il, dövrü yoxlama müddəti 5 ildir.

 

- Hotellər, restoran və əyləncə mərkəzləri belə bir standartı tətbiq etməyə məcburdurlarmı?

- Xeyr, məcbur deyil. Bunu bazar tənzimləyəcək, sahibkarlar könüllü bu standartı tətbiq edəcəklər, yəni tələbat hiss etsələr, müraciət edib bu sertifikatı alacaqlar.

 

- Standartlara geyim də daxil edilib. Onsuz da hotellərdə və ya restoranlarda xidmət göstərənlərin bəlli bir uniforması var. Bu uniforma dəyişməlidirmi?

- Geyimdə ümumi qaydalar olacaq, açıq-saçıqlıq nəzərdə tutulmur. İslam qaydalarına uyğun bir geyim forması olmalıdır.

 

- İslam qaydasına uyğun dedikdə... qadın xidmətçilər hicab, ya çadramı geyinəcəklər?

- Xeyr, sadəcə, açıq-saçıqlıq olmasın.

 

- «Halal hotel, restoran və ya əyləncə mərkəzi» digərlərindən hansı ciddi qaydaları ilə fərqlənəcək?

- Spirtli içkilər olmayacaq. Eyni zamanda mahnıların seçiminə diqqət edilməlidir. Əyləncə mərkəzlərində dəvət edilən müğənnini geyimi açıq-saçıq olmamalıdır.

 

- Mahnı seçimi deyəndə nə nəzərdə tutulur? Yəni, dini mahnılarmı səslənməlidir?

- Xeyr. İstənilən mahnı olar, sadəcə, estrada tipli, hərəkətli, diskoteka mahnıları səslənməməlidir.

 

- Standartlar hazırlanarkən hansı ölkənin təcrübəsi əsas götürülb?

- Türkiyənin və Malayziyanın təcrübəsinə istinad edilib. Çünki bu ölkələr 90-cı illərdən başlayaraq, bu standartları təkmilləşdiriblər.

 

- Standartda siqaret, qəlyan çəkilməsi də tənzimlənirmi?

- Xeyr, belə standart yoxdur.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *