vaxtlı-vaxtında oxuyun! Cümə axşamı, 8 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
CƏMİYYƏT  
11:15 | 23 oktyabr 2017 | Bazar ertəsi Məqaləyə 2919 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycan qadınları daha uzunömürlüdür?

100-ü keçən ağbirçəklərin sayı ağsaqqallardan 6 dəfə çoxdur

Gülşən RAUFQIZI

MÖVZU İLƏ ƏLAQƏLİ

BMT-nin araşdırmasına əsasən, hazırda dünyada hər 10 nəfərdən biri 60 və ya daha yuxarı yaş qrupuna daxildir. 2050-ci ilin sonunadək hər 5 nəfərdən biri, 2150-ci ilin sonunadək isə hər 3 nəfərdən biri 60 və ya daha yuxarı yaş qrupuna daxil olacaq. Bu da dünyada yaşlı əhalinin sayının ildən-ilə artdığını göstərir. Həmçinin BMT-nin qiymətləndirmələrinə əsasən, 65 və daha yuxarı yaşda olanlar əhalinin 4 faizini təşkil edirsə, onda əhali «cavan», əgər bu pay 4-7 faiz arasındadırsa, onda əhali «yaşlaşma ərəfəsində», bu pay 7 faiz və ondan yuxarıdırsa, onda əhali «yaşlı» hesab edilir. 2025-ci ilədək aparılan proqnozlara görə 60 və yuxarı yaşda olan insanların sayı əhalinin 15 faizini, inkişaf etmiş ölkələrdə isə 30 faizini təşkil edəcək.

Azərbaycanda «Sosial xidmət haqqında» Qanuna əsasən yaşı 70-ə çatmış şəxslər ahıl hesab edilir.

Dövlət Statistika Komitəsinin İnformasiya və ictimaiyyətlə əlaqələr şöbəsinin müdiri Rafael Süleymanov Modern.az-ın sorğusuna cavab olaraq bildirib ki, hazırda ölkə üzrə 70 və yuxarı yaşda olan əhalinin sayı 377. 8 ( 377 800 nəfər) min nəfərdir:

«Onlardan 153.7 min ( 153700 nəfər ) nəfəri kişilər, 224.1 min (224 100 nəfər) nəfərdir. 80 yaş və yuxarı yaşda olan əhalinin sayı, ümumilikdə, 129.4 min (129 400 nəfər) nəfərdir. Onlardan 50, 9 min ( 50 900) nəfəri kişilər, 78, 5 min (78 500 nəfər) nəfəri kişilərdir».

Komitə rəsmisinin sözlərinə görə, Azərbaycanda 90 və yuxarı yaşda olan vətəndaşların sayı 11.7 min (11 700 nəfər) nəfərdir: «Onlardan 4.1 min (4 100 nəfər) nəfəri kişilər, 7.6 min (7600) nəfəri qadınlardır».

100 və yuxarı yaşda olan əhalinin sayına gəlincə, R.Süleymanov deyib ki, onların 0.7 min (700) nəfərdir: «100 və yuxarı yaşda olan vətəndaşlardan 0.1 min (100 nəfər) nəfəri kişilər, 0.6 min (600) nəfəri qadınlardır».

Aparılan son tədqiqatlara görə, uzunömürlülər əsasən, Lerik, Astara və Lənkəran bölgəsində yaşayırlar.