vaxtlı-vaxtında oxuyun! Şənbə, 1 oktyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
DÜNYA  
10:42 | 21 iyul 2022 | Cümə axşamı Məqaləyə 500 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Belçika İranla əsir mübadiləsi sazişini ratifikasiya edir

Hökumət bildirir ki, saziş İranda həbs olunmuş belçikalının azadlığı üçün yeganə həldir

MÖVZU İLƏ ƏLAQƏLİ

Belçika parlamentariləri İranla əsir mübadiləsinə imkan verən, kəskin tənqid olunan sazişi ratifikasiya edib. Bu sənəd terrorçuluq ittihamları ilə həbsdə olan iranlı diplomatın ölkəsinə qayıtmasına yol aça bilər.

İki günlük qızğın müzakirələrdən sonra parlament sazişi 79-41 səs fərqiylə qəbul edib. Sazişi iyulun 6-da parlament komissiyası təsdiqləmişdi.

***

Baş nazir Aleksandr de Kru hökuməti bildirir ki, saziş İranda həbs olunmuş belçikalı yardım işçisi Oliviyer Vandekastilin buraxılması üçün yeganə həll yoludur.

41 yaşlı Vandekastil fevralda Tehranda, ittiham irəli sürülmədən saxlanıb.

Tənqidçilər, o cümlədən İranın mühacirətdə olan müxalifət hərəkatının üzvləri deyirlər ki, Brüssel Tehranın əslində girov götürməyə bərabər hərəkətinin qarşısında geri çəkilir.

Saziş iranlı diplomat Əsədulla Əssadinin buraxılmasına, hətta əfvinə yol aça bilər. O, 2018-ci ilin iyununda Paris yaxınlığında İran müxalifətinin yürüşü zamanı partlayış törətmək planına görə 20 il həbsə məhkum edilib. Yürüşü İran Milli Müqavimət Şurası (İMMŞ) təşkil edib.

Tehran Belçikadan Əssadinin diplomatik statusunun tanınmasını, onun buraxılmasını tələb edib.

***

İMMŞ İranın mühacirətdə olan Mücahidini-Xalq Təşkilatının siyasi qanadıdır. Bu müxalifət qrupunun məqsədi İslam respublikasını devirməkdir.

Belçika müxalifəti iddia edir ki, Tehranla razılaşma Əssadinin buraxılmasına nail olmaq üçün “xüsusi hazırlanıb”. İranlı fəallar isə küçə etirazları keçiriblər.

Ötən həftə 11 insan haqları təşkilatı Belçikanı sazişi ləğv etməyə çağırıb.

İyulun 12-də yayılmış birgə bəyanatda qruplar bildirib ki, saziş məhkum edilmiş terrorçunun buraxılması ilə nəticələnər, “İranın girov götürməsini legitimləşdirər”.

Qruplar xəbərdarlıq ediblər ki, bu saziş Belçika və Avropa İttifaqının terrorçu hərəkətlərə görə məsuliyyətə cəlb etmə öhdəliyini pozur.