vaxtlı-vaxtında oxuyun! Çərşənbə axşamı, 15 iyun 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
ELM-TƏHSİL, DİN  
15:59 | 7 may 2017 | Bazar Məqaləyə 2137 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycan kimya elmində yeri dolmayacaq itki

Tanınmış alim Rəfiqə Əliyeva dəfn edildi

MÖVZU İLƏ ƏLAQƏLİ

Tanınmış alim, Azərbaycan Milli Elmlər Akademiyasının (AMEA) həqiqi üzvü, kimya elmləri doktoru, professor, əməkdar elm xadimi Rəfiqə Əliyeva dəfn edilib.

APA-nın məlumatına görə, mərhum I Fəxri Xiyabanda dəfn edilib.

Qeyd edək ki, R. Əliyeva ilə vida mərasimi Azərbaycan Milli Elmlər Akademiyasının Dairəvi zalında keçirilib.

Vida mərasimində Azərbaycan prezidenti İlham Əliyev və birinci xanım Mehriban Əliyeva, mərhumun ailə üzvləri, dövlət və hökumət rəsmiləri, millət vəkilləri, alimlər və ictimaiyyət nümayəndələri iştirak ediblər.


***


16:17

Tanınmış alim, Azərbaycan Milli Elmlər Akademiyasının (AMEA) həqiqi üzvü, kimya elmləri doktoru, professor, əməkdar elm xadimi Rəfiqə Əliyeva ilə vida mərasimi başa çatıb.

APA-nın məlumatına görə, Azərbaycan Milli Elmlər Akademiyasının Dairəvi zalında keçirilən vida mərasimində Azərbaycan prezidenti İlham Əliyev və ailə üzvləri, mərhumun ailə üzvləri, Milli Məclisin sədri Oqtay Əsədov, Naxçıvan Muxtar Respublikası Ali Məclisinin sədri Vasif Talıbov, nazirlər, dövlət rəsmiləri, millət vəkilləri, alimlər, ictimaiyyət nümayəndələri və digər şəxslər iştirak ediblər.

 

***

 

13:39

Tanınmış alim, Azərbaycan Milli Elmlər Akademiyasının (AMEA) həqiqi üzvü, kimya elmləri doktoru, professor, əməkdar elm xadimi Rəfiqə Əliyeva ilə vida mərasimi keçirilir.

APA-nın xəbərinə görə, AMEA-nın dairəvi zalında keçirilən vida mərasimində alimlər, mərhumun ailə üzvləri, ictimaiyyət nümayəndələri və digər şəxslər iştirak edir.

Qeyd edək ki, Rəfiqə Əlirza qızı Əliyeva mayın 6-da ömrünün 85-ci ilində vəfat edib.

Rəfiqə Əliyeva 1932-ci il sentyabrın 20-də Naxçıvan şəhərində anadan olub. O, orta məktəbi bitirdikdən sonra ali təhsilini 1951–1956-cı illərdə Azərbaycan Dövlət Universitetinin kimya fakültəsində alıb.

Əmək fəaliyyətinə 1956-cı ildə Azərbaycan Politexnik İnstitutunda başlayan Rəfiqə Əliyeva 1957-ci ildən etibarən Azərbaycan Dövlət Universitetində, 1958–1960-cı illərdə isə Azərbaycan Elmlər Akademiyasının Kimya Problemləri İnstitutunda kiçik elmi işçi kimi çalışıb. 1960–1963-cü illərdə Azərbaycan Dövlət Universitetinin kimya fakültəsinin aspiranturasında təhsil alan Rəfiqə Əliyeva 1964-cü ildən ömrünün sonuna qədər universitetin analitik kimya kafedrasında işləyib və burada assistent, baş müəllim, dosent, professor vəzifələrini tutub. O, 2001 ci ildən «Ekoloji kimya və ətraf mühitin mühafizəsi» elmi-tədqiqat laboratoriyasına rəhbərlik edib.

Rəfiqə Əliyeva 1970-ci ildə namizədlik, 1999-cu ildə doktorluq dissertasiyalarını müdafiə edib və həmin ildə professor adına layiq görülüb. 2007-ci ildə Azərbaycan Milli Elmlər Akademiyasının müxbir üzvü, 2014-cü ildə isə həqiqi üzvü seçilib.

Ömrünü kimya elminə həsr etmiş Rəfiqə Əliyeva bu sahədə yüksək ixtisaslı kadrların hazırlanmasına bütün bilik və bacarığını sərf edib. Yarım əsrdən artıq pedaqoji fəaliyyətlə məşğul olan alimin araşdırmaları analitik reaksiyaları xarakterizə edən parametrlərlə kompleks birləşmələrin quruluşu arasındakı asılılığın müəyyən edilməsinə həsr olunub. Rəfiqə xanımın ətraf mühitin mühafizəsi ilə bilavasitə bağlı olan bir sıra tədqiqatları, eyni zamanda, üzvi reaktivlərin köməyi ilə metalların təyini və onların ayrılması metodikasının işlənib hazırlanmasına yönəlib. Ekologiyanın aktual problemləri ilə bağlı işləri isə ölkəmizin davamlı inkişafının təmin olunmasına öz töhfəsini verib.

450-dən artıq elmi əsərin, 25 dərslik və dərs vəsaitinin, 20 patentin müəllifi olan Rəfiqə Əliyeva bir sıra elmi şuraların və cəmiyyətlərin üzvü olub. Alimin rəhbərliyi altında 20-dən çox fəlsəfə və elmlər doktorları yetişdirilib.

Tanınmış kimyaçı alim Rəfiqə Əliyevanın məhsuldar elmi-pedaqoji fəaliyyəti yüksək qiymətləndirilib. O, Azərbaycanda təhsilin və elmin inkişafındakı xidmətlərinə görə müstəqil Azərbaycan Respublikasının ali mükafatı – «Şöhrət» ordeni ilə təltif edilib.

Qeyd edək ki, Rəfiqə Əliyeva Azərbaycan prezidenti İlham Əliyevin bibisidir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.