Merkelin təqaüdü səs-küy yaratdı
Dövlət hesabına mühafizə və imtiyazlar cəmiyyət tərəfindən müzakirə olunur
18:37 | 10 yanvar 2014 | Cümə
Məqaləyə 2805 dəfə baxılıb
Şriftin ölçüsü
Mühacir qadının Almaniyada başına gələnlər
«Məni məhkəmədə lağa qoydular, məktəbdəsə «rus babulyası» dedilər, amma sübut etdim ki, miqrantlar təkcə pitsa bişirməyə yaramır, həm də...»
MÖVZU İLƏ ƏLAQƏLİ
-
-
Almaniya-Fransa ortaqlığı bitdi
100 milyardlıq layihənin ləğvi Avropanın müdafiə planlarına zərbə vurdu
-
Berlin üçün gözlənilməz nəticə
Almaniya BMT Təhlükəsizlik Şurasına seçilə bilmədi
-
BMW-nin “keyless” sistemində qüsur
İtaliyada avtomobil elektron üsulla soyuldu, sığorta ödənişdən imtina etdi
-
Merz hökumətində siyasi böhran
Almaniyada erkən seçki çağırışları güclənir
-
“Bunu başqa cür etməli idim”
Alman televiziya ulduzu Türkiyədə saç əkimindən sonra xəstəxanalıq oldu
-
Almaniyada “kabab savaşı”
KFC türk iş adamına uduzmaq üzrədir
-
Tramp–Merz gərginliyi yüksəlir
ABŞ Almaniyanı qoşunlarını geri çəkməklə hədələyir
-
“Lufthansa” pilotları tətil edir
Azərbaycan istiqamətinə uçuşlar istisna siyahısında
-
Kilsələrdə istilik böhran
İbadət məkanları pulsuzluq səbəbindən bağlanır, Avropa kultu tənəzzüllə qarşı-qarşıya
-
Qərbin ehtiyacı olan lider
Qorxaq, ikiüzlü, prinsipsiz demokratik “çoxluq seçimi” olanlar sivilizasiyanı batırır
-
Avropada pensiya yaşı 70-ə qaldırılır
Almaniyada 50 milyard avroluq qənaət çağırışı
-
“İkiüzlü, rədd ol!”
Anım mərasiminə qatılan Merz etirazla qarşılandı
-
Merz ağladı
Almaniya kanslerinin Ukrayna haqda danışarkən səsi titrədi
-
Almaniyada kilsə zəngi oğurlandı
Maddi dəyəri 10 min avro idi
-
Berlin mərkəzində çəkiclə işgəncə
Almaniyada şəriət qanunları – molla kəbini ilə evlilik, din məhkəməsi
Azərbaycanlı siyasi mühacir Leyla N. Almaniyada müəllimə işləmək üçün illərdir mübarizə aparır və məruz qaldığı diskriminasiyadan şikayətlənir.
Virtualaz.org saytının xəbərinə görə, bu barədə nüfuzlu «Der Tagesspiegel» qəzeti yazıb. Məqalədən belə məlum olur ki, Leyla N. 1998-ci ildə Azərbaycandan Almaniyaya mühacirət edib, bu ölkədə siyasi mühacir statusu, daha sonra vətəndaşlıq alıb. O, Almaniya hökumətinin mühacirlər üçün təhsil proqramı çərçivəsində Aşağı Saksoniya əyalətindəki Flesenburq Universiteində müəllim ixtisası üzrə təhsil alıb və universiteti yüksək göstəricilərlə bitirib.
2010-cu ildə Leylaya vəd ediblər ki, əgər ikinci dövlət imtahanını da müvəffəqiyyətlə versə, onu ibtidai-orta məktəbdə işlə təmin edəcəklər.
«Ancaq bu yerdə miqrantın uğurlu inteqrasiyası başa çatır. İkinci dövlət imtahanında onun müəllim işləmək üçün alman dilini kifayət qədər bilmədiyini deyiblər. Əsas səbəb kimi Məktəb Keyfiyyətinin İnkişafı üzrə Aşağı Saksoniya İnstitutunun onun yazılı imtahan nəticələrinin «pis» olması haqda rəy verməsidir. Evindən uzaqlarda sığınacaq axtaran və seçdiyi peşədə işləmək istəyən Leyla N. son anda dayandırılıb» - deyə qəzet yazır.
Məqalədə bildirilir ki, Bakıda anadan olmuş qadın artıq iki ildir imtahan nəticələrinin obyektiv olmadığını sübuta yetirmək üçün məhkəmələrdə mübarizə aparır. O, imtahan zamanı diskriminasiyaya məruz qaldığını bildirir.
Alman dilində yüksək səviyyədə danışan 45 yaşlı qadın deyir ki, imtahanı götürənlərdən biri onu lağa qoyaraq «çətin ki, bunun nə danışdığını başa düşərik» deyib. Digəri isə istehza ilə qadına şalvar yox, yubka geyməyi məsləhət görüb. Stajçı kimi işlədiyi məktəbdə də onu hər gün diskriminasiyaya məruz qoyublar və həmkarları Leylanı «rus babulyası» adlandırıblar.
Nəhayət, ötən ilin sentyabrında Hannover İnzibati Məhkəməsi Leyla N.-nın imtahan nəticələrindən birinə neqativ qiymət verilməsinin əsassız olduğu qənaətinə gəlib. Hakim qadının imtahan nəticələrinə «qərəzli yanaşma»nın olduğunu təsdiqləsə də onun diskriminasiyaya məruz qaldığı haqda şikayətlərinin sübut olunmadığını bildirib.
Lakin məhkəmənin çıxardığı qərar üç ay yarımdan çoxdur ki, yerinə yetirilmir. Nəhayət, ötən həftə Almaniyanın Diskriminasiyaya Qarşı Mübarizə Agentliyi məsələyə qarışıb və ölkənin Mədəniyyət Nazirliyinə tezliklə qadının məsələsinə baxılması barədə müraciət edib. Agentlik bildirib ki, bu məsələ Almaniyada xaricilərin müəllim işləməsinə icazə verilmədiyi haqda yanlış təsəvvürlərin aradan qaldırılması baxımından həll edilməlidir.
Bu müdaxilədən sonra Məktəb Keyfiyyətinin İnkişafı üzrə Aşağı Saksoniya İnstitutu Leylanın imtahan nəticələrinə yenidən baxılacağını bildirib.
Cəsarətli azərbaycanlı qadın bildirib: «Mən öz hüquqlarım uğrunda mübarizə apardım və sübut etdim ki, miqrantlar təkcə pitsa bişirməyə yaramır, onlar akademik peşələr də seçə bilər».
