İstanbul Böyükşəhər Bələdiyyə (İBB) sədri Əkrəm İmamoğlu və 100-dən çox adam haqqında verilən həbs qərarından sonra bazarlar alt-üst olub. Günə 36,69 səviyyəsində başlayan dollar 40,95 səviyyəsini görüb. Günə 40,16-dan başlayan avro 44,60-a çatıb.

***

Türkiyədə bu gün səhər 100-dən çox adama verilən həbs qərarının ardından İstanbul birjasında “BIST 100” indeksi günə yüzdə 6,87 azalışla 10.060 baldan başlayıb.

İndeksin kəskin enişindən sonra elektrik açarı sistemi saat 10:55-də (bakı vaxtilə) işə salınıb və əməliyyatlar müvəqqəti dayandırılıb.

Bank indeksi 7,02 faiz, holdinq indeksi isə 6,69 faiz dəyər itirib. Bütün sektor indeksləri azalsa da, ən çox itki 7,56 faizlə rabitədə oldu.

Dünən ağır satış trendinin ardından Borsa İstanbulda günü yüzdə 0,55 dəyər itirərək 10.802,23 bəndlə bağlamışdı.

***

Birjada elektrik açarı ani və həddindən artıq qiymət dalğalanmaları zamanı ticarəti müvəqqəti dayandıran təcili tədbirdir. Bu mexanizm investorları çaxnaşma satışından qorumaqla bazarda sabitliyi təmin etmək məqsədi daşıyır.

Müəyyən qiymət dəyişmə hədlərinə çatdıqda avtomatik açarlar işə salınır. Məsələn, İstanbul birjası “BIST 100” indeksi yüzdə 5 və ya yüzdə 7 qəfil enişlə qarşılaşdıqda, elektrik açarı tətbiq olunur.