“Bloomberg”ə danışan yüksək səviyyəli bir məmurun verdiyi məlumata görə, Türkiyə ilə ABŞ arasında aparılan danışıqlardan sonra “Qazprombank” sanksiyalarında Türkiyəyə verilən istisna may ayına qədər uzadılıb.

Dekabrın 20-də Türkiyəyə verilən güzəştin müddəti bu gün başa çatmalı idi. Xəzinə və Maliyyə Nazirliyi, Energetika və Təbii Sərvətlər Nazirliyi məsələ ilə bağlı intensiv iş aparıb.

Xəzinə və maliyyə naziri Məhmət Şimşək bu yaxınlarda ABŞ-ın maliyyə naziri Skott Bessent ilə telekonfransda görüş keçirib.

ABŞ Maliyyə Nazirliyindən görüşlə bağlı verilən açıqlamada nazirlərin sanksiyalarla yanaşı, hər iki ölkəni maraqlandıran digər iqtisadi və milli təhlükəsizlik məsələlərini də müzakirə etdiyi açıqlanıb.

ABŞ noyabr ayında Rusiyanın qaz satışından əldə etdiyi gəlirləri embarqo qoymaq üçün enerji ödənişləri üçün mühüm kanal olan “Qazprombank”a sanksiyalar tətbiq edib. “Bloomberg”ə açıqlama verən enerji naziri Alparslan Bayraktar, “İstifadə verilməsəydi, bu, Türkiyənin də sanksiyaların hədəfində olması demək olacaqdı”, – deyib.