“Henley & Partners”in “Dünyanın Ən Varlı Şəhərləri” hesabatına əsasən, Nyu-York şəhəri dünyada ən çox özəl sərvətə sahib olan şəhər kimi birinci yeri tutub.

Nyu-Yorkda təxminən 340,000–350,000 arasında milyonçu yaşayır və bu o deməkdir ki, hər 24 nəfərdən biri milyonçudur. Nyu-York şəhərindəki ümumi özəl sərvət 3 trilyon ABŞ dollarından çox qiymətləndirilir.

Nyu-Yorkun 3 trilyon dollarlıq sərvətinin təxminən 1.2 trilyon dolları birbaşa və ya dolayı yolla “Wall Street”lə bağlıdır.

Yalnız şəhərdə 180,000-dən çox insan birbaşa olaraq “Wall Street”də (maliyyə və investisiya sahəsində) çalışır. Bu sahədə maaşlar dünyanın ən yüksək maaşları sırasındadır — ildə orta hesabla 400,000 ABŞ dollarından çoxdur.

“Wall Street”də olan şirkətlərdə hətta təcrübəçilərə (internship) başqa şəhərlərdə yüksək maaş hesab olunan ödənişlər ödənilir.

Burda olan bəzi şirkətlərin təcrübəçillərə ödədiyi maaşlar təxminən (dollarla) aşağıdakı kimidir :

“Citadel and Citadel Securities” – saata 120.

“Jane street capital” – illik  250,000.

“Barclays” – illik 110,000.

“Citigroup” – saata 50

“Bank of America” – saata 41

Nyu-Yorkda maliyyədən sonra , aşağıdakı sahələr sıralama ilə güclü sahələr sayılır :

2. Daşınmaz Əmlak Sektoru;

3. Biznes Xidmətləri Sektoru (Hüquq, Reklam, IT , dizayn və s.);

4. Səhiyyə və Biotexnologiya;

5. Media və Əyləncə.