ABŞ hakimiyyəti Prezident Donald Trampın ABŞ Mərkəzi Bankı (FED) İdarə Heyəti üzvü Liza Kuku vəzifədən azad etməsini müvəqqəti dayandıran məhkəmə qərarına etiraz edib.

Tramp hakimiyyəti, “ipoteka fırıldağı” ittihamı irəli sürdüyü Kukun vəzifədən azad edilməsini müvəqqəti olaraq dayandıran dünənki məhkəmə qərarını apelyasiya etmək üçün addım atıb.

Paytaxt Vaşinqton Bölgə Məhkəməsinə edilən müraciətdə sözügedən qərara etiraz ifadə olunub.

Tramp avqust ayı sonunda FED İdarə Heyəti üzvü Kuku “ipoteka müqavilələrində yanlış bəyanatlar vermək” ittihamı ilə vəzifədən azad etdiyini açıqlamışdı.

Sosial media hesabından Kuka yazdığı məktubu paylaşan Tramp FED Qanununun ona verdiyi səlahiyyətlərə işarə edərək, “FED İdarə Heyəti üzvlüyü vəzifəsindən dərhal azad olunmusunuz” ifadəsini işlətmişdi.

Tramp həmin qanunun ona haqlı səbəb olduqda idarə heyəti üzvünü vəzifədən azad etməyə imkan verdiyini vurğulayıb və Kukun vəzifədən azad edilməsi üçün kifayət qədər əsasın olduğunu bildirib.

FED İdarə Heyəti üzvü Kuk isə Trampın vəzifədən azad etmə cəhdini dayandırmaq məqsədilə məhkəməyə müraciət etmişdi.

Vaşinqton Bölgə Məhkəməsi hakimi dünən Tramp hakimiyyətinin Kukun vəzifədən azad edilməsini dayandıran müvəqqəti tədbir tələbini qəbul etmişdi.