vaxtlı-vaxtında oxuyun! Cümə, 21 sentyabr 2018
ABŞ dolları 1 USD = 1.7000 AZN
Avro 1 EUR = 1.9852 AZN
Rusiya rublu 1 RUB = 0.0255 AZN
İngilis funt sterlinqi 1 GBP = 2.2354 AZN
Türk lirəsi 1 TRY = 0.2716 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
ELM-TEXNİKA  
11:55 | 2 sentyabr 2018 | Bazar Məqaləyə 237 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Müəllif səhifəsinin üstünlüyü

Sizə “Facebook” divarı doğrudanmı lazımdır?

MÖVZU İLƏ ƏLAQƏLİ

ABŞ paytaxtında yaşayan Tara Laskovski (Tara Laskowski) “Kənardan baxanlar” (“Bystanders”) və “Daxili şeytanlarınız üçün müasir ədəb qaydaları” (“Modern Manners For Your Inner Demons”) adlı iki hekayə toplusunun müəllifidir. 2010-cu ildən bəri “SmokeLong Quarterly” adlı bədii ədəbiyyat jurnalının redaktorudur.

Yazıçının ikinci hekayə kitabı işıq üzü görəndə o, bir daha “Facebook”da müəllif səhifəsi açmaq barədə düşünür və bu dəfə də bu fikirdən vaz keçir.

Əlbəttə, müəllif səhifəsinin öz üstünlükləri var: saysız-hesabsız pərəstişkarlar sizi təqib edir, çoxlu pulsuz təhlil alırsınız, qeyri-adekvat “1 saylı fanatlardan” uzaq dura bilirsiniz, brendinizi yaradırsınız və oxuculara çıxışınız asanlaşır…

Məsələn, “Volonturist” (“The Voluntourist” – “Könüllü”) kitabının müəllifi Ken Budd deyir ki, “Facebook”dakı müəllif səhifəsi ona oxucuları öz şəxsi səhifəsindən uzaq tutmağa kömək edir.

Ondan müsahibə almaq istəyən adamlar da onunla bu səhifə vasitəsilə əlaqə saxlayırlar. Bu səhifədə o, yeni yazıları haqda paylaşımlar edir və səyahət mövzusunda linklər yerləşdirir. İtinin və beysbol oyunlarının şəkillərini isə öz şəxsi səhifəsində yaxın dostları ilə paylaşır. Budd hesab edir ki, bu həm onun özü, həm də oxucular üçün yaxşıdır.

Ancaq T.Laskovski düşünür ki, müəllif səhifəsi daha çox ziyan vura bilər: “Bir yazıçının hər gün üzərində çalışdığı kontent haqda düşünün. Yeni layihələr üzərində iş, bloq yazıları və esselər yazmaq, “Twitter”, “Instagram”, “Tumblr” və sairdə paylaşımlar, “Goodreads” və “Amazon”da rəylər. (Bu isə yazıçılar üçün vacibdir!) Mən hələ üstəlik, kontent tələb edən başqa bir platforma yaratsaydım dağılardım. Ya da, həmin səhifə mənim artıq öz “Facebook” divarımda müzakirə etdiyim şeylərin ara-sıra paylaşıldığı yerə çevrilərdi…”

Laskovski yazır ki, o, artıq “Facebook”dakı şəxsi səhifəsində öz brendini yaradıb. Burada özü üçün sevdiyi və izləməyə çalışdığı yazıçıların şəbəkəsini qurub.

“Siz sifətsiz korporasiya və ya transmilli şirkət deyilsiniz. Oxucular sizinlə, müəlliflə şəxsən əlaqə qurmaq istəyirlər. Profillər sizi daha əlçatan göstərir…” - jurnalist Liza Hol-Uilson (Lisa Hall-Wilson) öz bloqunda yazır.

Laskovskinin sözlərinə görə, bu yanaşmanın təhlükəli tərəfləri də var. Məsələn, sadəcə sizin kitabınızı oxumuş yad adamlarla dostlaşmaq həyatınızı onların qarşısında açmaq kimidir. Buna görə yazıçı davamlı olaraq “Facebook” filtrlərindən yararlanır və paylaşımlarının özəl olmadığının fərqindədir.

“Con Qrişamın (John Grisham) müəllif səhifəsini 1,5 milyon, Stiven Kinqinkini (Stephen King) 4,6 milyon, Maya Ancelounun (Maya Angelou) səhifəsini 5,6 milyon adam izləyir. Onların fan səhifələri saxlamağa səbəbi var. Ancaq mən karyeramın bu mərhələsində hələ özümə auditoriya toplayıram… Müəllif səhifəmə ayırmağa vaxtım və pulum olmadığı üçün bu bir növ ərzaq dükanına getmək üçün limuzin kirayələmək kimi olacaq”, –Laskovski yazır.

Onun sözlərinə görə, “Facebook”un öz alqoritmində etdiyi yeni dəyişiklikdən sonra fan səhifəsi yaratmaq onun kimi yazıçılar üçün xüsusilə mənasız məşğuliyyətə çevrilir. Çünki, o, özünün 50 dostunu səhifəsini bəyənməyə çağırsa və bura kitabı oxumuş 100 istifadəçi də əlavə olunsa, ümumi say sadəcə 150 civarında olacaq və bu zaman “Facebook”un yeni alqoritmləri onun paylaşımlarının oxuculara çatmasına imkan verməyəcək.

Ancaq dostluğunda olan insanlar onu insan kimi tanıya, maraqlarını paylaşa bilirlər. Onlar bir gün onun kitablarını alıb oxuya da bilərlər. “Ancaq oxumasalar belə biz yenə də dostuq”, – o yazır.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *