vaxtlı-vaxtında oxuyun! Çərşənbə axşamı, 19 noyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
GÜLƏŞ  
19:13 | 7 yanvar 2019 | Bazar ertəsi Məqaləyə 1173 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“İntizamsız idmançıları qovun!”

Güləş federasiyasında olay toplantı: “Həmkarlarınızın uğursuzluqlarına sevinməyin!”

MÖVZU İLƏ ƏLAQƏLİ

Bu gün Azərbaycan Güləş Federasiyasında (AGF) yığmaların məşqçilərinin iştirakı ilə iclas keçirilib.

AGF-nin saytında bildirilir ki, federasiyanın baş katibi Orxan Məmmədov çıxış edərək millilərdə çalışan mütəxəssislərə tövsiyə və tapşırıqlarını çatdırıb: “Bu il əsas diqqət böyüklərdən ibarət yığmalara ayrılacaq. Çünki əsas hədəf dünya çempionatından Olimpiadaya maksimum sayda lisenziya qazanmaqdır. Fevralda keçiriləcək gənclərin ölkə çempionatında fərqlənənləri əsas milliyə cəlb etmək olar. Bütün məşqçilər işə ciddi yanaşmalı, nizam-intizama riayət etməlidir. İşində nöqsana yol verəcək məşqçilərlə yollar ayrılacaq. Bundan sonra Dünya Güləş Birliyinin (UWW) qaydalarına uyğun olaraq, məşqçilər üçün də lisenziya alınacaq. Lisenziyası olmayan məşqçi yarışlara getməyəcək. Millinin məşqçilər korpusunda yer almayan şəxsi məşqçilər hazırlıq prosesində iştirak etməməlidir. Sekundant məsələsi də baş məşqçinin qərarına uyğun müəyyənləşməlidir. Hazırlıq prosesində kənar şəxslər yer almamalıdır. Hərbi xidmətdə olan güləşçilər üçün icazə məktubuna görə müraciət bir ay əvvəl verilməlidir. Bu il Avropa çempionatına da çox ciddi yanaşmaq lazımdır. Çünki qitə birinciliyi Minskdə keçiriləcək 2-ci Avropa Oyunlarına lisenziya verəcək”.

Daha sonra söz alan AGF-nin yunan-Roma güləşi üzrə vitse-prezidenti Elçin Cəfərov da yığmalarda nizam-intizamın əsas şərt olduğunu qeyd edib: “Dünya çempionatına cəmi 8-9 ay qalıb. Məşqçilərin taleyi bu yarışdan asılıdır. Əsas diqqət olimpiya çəkilərində çıxış edən güləşçilərə ayrılmalıdır. Əsas kəmiyyət yox, keyfiyyətdir. İntizama riayət etməyən, qaydaları pozan güləşçiləri komandadan uzaqlaşdırın. Onların yerinə gənclərdən, yeniyetmələrdən perspektiv vəd edən güləşçiləri yığmaya cəlb edin. Bu gün ölkədə əsas diqqət güləşə, federasiyamıza yönəlib. Ona görə də işinizə ciddi, məsuliyyətli yanaşın. Ağır və çətin ildə hamıya uğurlar arzulayıram”.

AGF-nin sərbəst güləş üzrə vitse-prezidenti Firdovsi Umudov isə bunları deyib: “Əvvəlcə hər birinizi Yeni il münasibətilə təbrik edir və bu ildə hamınıza uğurlar arzulayıram. Məsuliyyət hər birimizin boynundadır. Heç bir məşqçi həmkarının uğursuzluğuna sevinməməli, bunu arzulamamalıdır. Kollektiv bir ailə şəklində olmalıdır. Heç kim əvəzedilməz deyil. Hər məşqçi işinə görə cavab verməlidir. Dövlətin, birbaşa ölkə başçısı, cənab İlham Əliyevin diqqət və qayğısı nəticəsində hazırda maliyyə problemi yaşamırıq. Maaşlar vaxtında verilir. Qalır bu etimadı doğrultmaq. Güləşçilərimiz heç bir ölkənin idmançılarından geri qalmır. Sadəcə, onlarla doğru işləmək lazımdır”.

AGF-nin yeniyetmələr üzrə vitse-prezidenti Namiq Abdullayev də fikirlərini çatdırıb: “Güləşçilər məşqçilərdən icazəsiz harasa getməməlidir. Ehtiyac yaranarsa, idmançılarla fərdi işləyin, çatışmazlıqların, səhvlərin, müəyyən fəndlərin üzərində davamlı şəkildə çalışmaq lazımdır. İndi hər çəkidə cəmi 16 güləşçi Olimpiadada çıxış edəcək. Bütün dünyanın gözü Olimpiya Oyunlarında olacaq. Rioda 18 medal qazanmışıq. Tokioda da ən azı bu nəticəni təkrarlamağa çalışmalıyıq. Bunun üçün əlimizdən gələni əsirgəməməliyik. Olimpiya çempionluğuna real namizədlər üzərində daha çox işləmək lazımdır. Arzu edirəm ki, Olimpiadaya maksimum sayda lisenziya qazanaq”.

Sonda rəhbər şəxslər dopinq məsələsinə də yer ayırıblar. Qeyd olunub ki, ötən il ən çox cəzalananlar güləşçilər olub. Bu da bu sahə üzrə informasiya kasadlığından irəli gəlir. Vurğulanıb ki, güləşçilər hər hansı dərmanı qəbul etməmişdən əvvəl yığmanın həkimi ilə məsləhətləşməlidir. Bu baxımdan həkimlə idmançılar arasında sıx münasibət olmalı, yığmaların məşqçiləri prosesi ciddi nəzarət altında saxlamalıdır. Qəbul edilən qida və mayelərə ciddi fikir vermək vacibdir. Gigiyenik qaydalara da tam riayət edilməlidir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *