vaxtlı-vaxtında oxuyun! Cümə axşamı, 23 may 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
MEDİA-QHT  
20:12 | 22 fevral 2019 | Cümə Məqaləyə 350 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

95-ci ildə «Qələbə»lik

MŞ sədri bölgə qəzetinin yubileyi mərasimində iştirak edib

MÖVZU İLƏ ƏLAQƏLİ

Azərbaycan Mətbuat Şurasının sədri, Milli Məclisin deputatı Əflatun Amaşov Salyan rayonunun ictimai-siyasi qəzeti olan «Qələbə»nin ilk nömrəsinin çapdan çıxmasının 95 illiyi münasibəti ilə keçirilmiş mərasimdə iştirak edib. Salyan Rayon İcra Hakimiyyətinin başçısı Sevindik Hətəmovun, rayon ictimaiyyətinin nümayəndələrinin, qonşu Neftçalanın «Gündoğar», Sabirabad rayonunun «Suqovuşan» qəzetlərinin təmsilçilərinin iştirak etdikləri toplantı həmçinin rayonda nəşr olunan “Ana Kür” qəzetinin fəaliyyətə başlamasının 10 illiyinə də həsr olunub.

Ulu öndər Heydər Əliyevin rayon mərkəzində ucaldılmış abidəsini ziyarətlə başlamış tədbiri giriş sözü ilə Salyan Rayon İcra hakimiyyətinin başçısı Sevindik Hətəmov açaraq hər iki nəşrin yaradıcı kollektivinə təbriklərini çatdırıb, Salyanın mədəni, ictimai-siyasi həyatının salnaməsinin yaradılmasında “Qələbə” qəzetinin xidmətlərini xüsusi vurğulayıb. S.Hətəmov rayondakı Heydər Əliyev Mərkəzində “Qələbə” qəzetinin ulu öndər Heydər Əliyevin Salyandakı görüşlərini əks etdirən hər nömrəsinin çox qiymətli tarixi sənəd kimi qorunduğunu diqqətə çatdırıb. İcra başçısı çıxışında həmçinin Prezident İlham Əliyevin tapşırığı ilə Salyanda həyata keçirilən infrastruktur layihələrinin yubilyar nəşrlərdə peşəkarlıqla işıqlandırıldığına diqqət çəkib. S.Hətəmov qəzet əməkdaşlarının bir qrupuna fəxri fərman təqdim edib.

MŞ sədri Ə.Amaşov toplantıdakı çıxışında ölkəmizdə fikir, söz, ifadə azadlığı şəraitində nəşr edilən qəzetlərin fəaliyyətindən, həmçinin bölgə mətbuatının tarixində «Qələbə»nin dəsti-xəttindən söz açıb. O bildirib ki, ümumən bölgə mətbuatı peşəkarların yetişdiyi məktəbdir. Cəmiyyətdə öz dəst-xətti ilə seçilmiş neçə-neçə fikir adamı bu sahədəki ilk kövrək addımlarını məhz bölgə mətbuatında atıb. Bu mənada 95 yaşını qeyd edən “Qələbə” qəzeti də xüsusi yer tutur. Sevindirici haldır ki, internet medianın ənənəvi medianı sıxışdırdığı indiki şəraitdə Salyan Rayon İcra Hakimiyyəti, ümumən rayon rəhbərliyi “Qələbə”nin gələcək üçün salnamə funksiyasına ciddi önəm verir, nəşrin problemlərinin həllinə, yayımına həssas münasibət göstərir. Bu, digər rayonlar üçün də nümunə olmalıdır.

Ə.Amaşov həmçinin artıq 10 ildir ki, Salyanda nəşr edilən «Ana Kür» qəzetinin ekoloji maarifləndirmə sahəsindəki fəaliyyətini də yüksək qiymətləndirib, “Qələbə” və “Ana Kür” qəzetlərinin baş redaktoru Rüstəm Məlikova Şuranın təbrik açıqlamalarını və qiymətli hədiyyəsini təqdim edib.

«Qələbə» və «Ana Kür» qəzetlərinin baş redaktoru Rüstəm Məlikov rəhbərlik etdiyi nəşrlərin fəaliyyəti barədə geniş məlumat verib. “Qələbə” qəzetinin keçdiyi tarixi yoldan ətraflı söz açıb.

Yubiley tədbirində şair Oqtay Rza, «Qələbə» qəzetinin veteranı, əməkdar jurnalist Rəhim Hüseynzadə, Azərbaycan Yazıçılar Birliyi Muğan bölməsinin sədri Nəbi İbrahimov, rayon ziyalılar birliyinin sədri Allahverdi Piriyev, Sabirabadın «Suqovuşan» qəzetinin əməkdaşı Elçin Nəsibli və başqaları çıxış edərək rayon qəzeti ilə bağlı xatirələrini bölüşüb, yaradıcı kollektivə uğurlar arzulayıblar.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *