vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
PROBLEM  
19:03 | 28 iyun 2019 | Cümə Məqaləyə 2295 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusların kompüteri “ilişib”

Yük aparan onlarla maşın sərhəddə qaldı

Gülnar ƏLİYEVA

MÖVZU İLƏ ƏLAQƏLİ

Azərbaycandan Rusiyaya kənd təsərrüfatı məhsulları aparan onlarla iritonnajlı yük maşını sərhəddən Rusiyaya buraxılmır. İyunun 28-i gecə saat 1-dən etibarən tez xarab olan meyvə-tərəvəz dolu “TIR”lar “Yaraq-Qazmalar” nəzarət-buraxılış məntəqəsində növbəyə düzülüb.

Bu barədə virtualaz.org-a sərhəddə ilişib qalan ticarətçilərdən biri - Sərxan Atakişiyev bildirib. Onun sözlərinə görə, sürücülər nə qədər öyrənməyə cəhd etsələr də, problemin nədən yarandığını heç kim izah etmir.

“Mən gilas ticarəti ilə məşğul oluram və ilk dəfədir ki, belə halla qarşılaşıram. Bakıdan Moskvaya vurduğumuz yüklə bu gecə təxminən saat 2-də sərhəddə çatmışıq, sərhədi keçə bilmirik. Bu saat bizdən qabaqda 20 iritonnajlı yük maşını növbə  gözləyir. Arxada da çox böyük növbə yaranıb. Səbəbini soruşuruq, heç kim bilmir. Deyirlər ki, Rusiya tərəfi yük maşınlarını buraxmaq istəmir. Əslində bizə “yaşıl koridor” yaradılmalı idi, çünki məhsulumuz tez xarab olandır. Gilas kartof deyil ki, 10 gün qalsın...”, - S.Atakişiyev bildirir.

S. Atakişiyev qeyd edib ki, yük maşınlarından fərqli olaraq, minik avtomobilləri heç bir problem olmadan sərhədi rahatlıqla keçib gedə bilirlər.

Yaranmış problemlə bağlı Dövlət Gömrük Komitəsi ilə əlaqə saxladıq. Komitənin mətbuat və ictimaiyyətlə əlaqələr idarəsinin rəisi Natiq Axundov  virtualaz.org-a texniki nasazlıq səbəbindən sərhəddə qısamüddətli sıxlıq yarandığını bildirdi.

 “Yaraq-Qazmalar” nəzarət-buraxılış məntəqəsində Rusiya tərəfdə qısamüddətli sıxlıq yaranıb.  Səbəb isə kompüter sistemində yaranan texniki nasazlıqdır. Artıq bu nasazlıq aradan qaldırılıb, hazırda heç bir problem yoxdur. Maşınlar əvvəlki qaydada keçib gedirlər”, - Natiq Axundov bildirib.