17:20 | 15 avqust 2017 | Çərşənbə axşamı
Məqaləyə 3896 dəfə baxılıb
Şriftin ölçüsü
«Ramil Quliyev barədə dediklərimin arxasında dururam»
Çingiz Hüseynzadə: «19 yaşında, hələ bir nəticə göstərmədən Federasiyanın təqdimatı ilə mənzil almışdı»
MÖVZU İLƏ ƏLAQƏLİ
-
«Türkiyə onu buraxmaz»
Çingiz Hüseynzadə: «Ramil indi qəhrəmandır, 6 il əvvəl isə fərarilik etmişdi»
-
«Vətənimdən heç vaxt incikliyim olmayıb»
Ramil Quliyev: «Türkiyədən əvvəl Rusiyadan təklif almışdım, amma...»
-
«Ramilə şər atırlar»
Dünya çempionunun qardaşı: «O, daha yüksək nəticələr göstərməyi arzuladığı üçün Türkiyəyə getdi»
-
«Azərbaycana gəlsən həbs olunacaqsan»
Ramil Quliyevi təhdid ediblər?
-
«Azərbaycana qayıtmağa hazıram»
Ramil Quliyev: «Bilirdim ki, xalqım məni dəstəkləyəcək»
-
Ərdoğan da Ramil Quliyevi təbrik elədi
Dünya çempionu: «Azərbaycan bayrağını qaldırmaq arzum idi və mən bunu elədim»
-
«Ən böyük istəyim idi»
Ramil Quliyev: «Azərbaycan bayrağıyla tur atmaq kimi bir duyğum vardı»
-
«Növbədə Olimpiya Oyunlarıdır»
Ramil Quliyev: «İlk üçlükdə gəldiyimi bilirdim, ancaq hansı yerdə olduğumdan əmin deyildim»
-
«Elə bildim, 3-cü gəlmişəm»
Ramil Quliyev: «Bəlkə gələn yarışda hamı mənə baxacaq»
-
«Səninlə fəxr edirik»
Prezident İlham Əliyev Ramil Quliyevi təbrik etdi
-
«Bu şok deyil, amma real kimi də görünmür»
200 metr məsafəyə qaçış üzrə qızıl medalın sahibi olan Ramil Quliyev: «Dünya çempionu olmağıma çox şadam»
-
Bu gün Azərbaycan Milli Olimpiya Komitəsinin binasında Yüngül Atletika Federasiyasının prezidenti, MOK-un vitse-prezidenti Çingiz Hüseynzadənin mətbuat konfransı keçirilib.
KİV nümayəndələri ilə görüş 2011-ci ildə Azərbaycan Yüngül Atletika Federasiyası ilə münaqişə üzündən Türkiyə bayrağının altına keçmiş azərbaycanlı atlet Ramil Quliyevin Londonda keçirilən dünya çempionatında qələbəsinə həsr edilmişdi. Qiliyevin Londondakı uğurundan sonra Federasiyanı Ramili Azərbaycandan, sözün həqiqi mənasında, qovmaqda günahlandıranların sayı xeyli artıb.
«Keçmiş idmançımız Ramil Quliyevin dünya çempionu olmasına çox sevindik. Bu, həm bizim üçün, həm Türkiyə üçün, həm də türk dünyası üçün bir ilk idi, – Çingiz Hüseynzadə deyir. – Bu böyük hadisədir. Biz onu hələ Londonda təbrik etdik. Onu Azərbaycan prezidenti İlham Əliyev də təbrik etdi.
Finaldan əvvəl biz Ramil Quliyevin medal qazanacağını proqnozlaşdırırdıq. Biz Türkiyə Yüngül Atletika Federasiyasının rəhbərliyi ilə söhbət edib razılığa gəldik ki, əgər o medal qazansa, hər iki bayrağı qaldıracaq. Bundan sonra təcili olaraq Azərbaycanın bayrağını Ramilə çatdırdıq.
Stadionda daim elan edirdilər ki, Ramil azərbaycanlıdır. Türkiyə federasiyasının prezidenti və Beynəlxalq Yüngül Atletika Federasiyaları Assosiasiyasının prezidenti ilk növbədə Azərbaycanı təbrik etdi. O bildirdi ki, Ramilin bizim birgə idmançımız olduğunu bilir.
O ki qaldı Ramil Quliyevin çıxıb getməsinə, bu söhbətin artıq 7 yaşı var. İndi arxivdən mənim o illərdə verdiyim müsahibələri çıxarırlar. Etiraz etmirəm. Sözlərimin arxasında dururam. Onların Quliyevə bir idmançı kimi aidiyyəti yoxdur. Bəli, 2015-ci ilin dünya çempionatından və 2016-cı ilin Olimpiya Oyunlarından əvvəl deyirdim ki, o, nəticə göstərə bilməyəcək.
Bakıdan getdikdən sonra nəticələri yox idi. Yalnız 2015-ci ildən sonra onları göstərməyə başladı.
Bu mövzunun bir idman, bir də mənəvi tərəfi var. Yazırlar ki, Federasiya Ramilə pul vermirdi. İndi bu haqda danışmaq istəmirəm. Lakin o yeganə adam idi ki. 19 yaşında, hələ bir nəticə göstərmədən Federasiyanın təqdimatı ilə mənzil almışdı. «Neftçi»də ona ən yüksək əməkhaqqı verilirdi. Ramil etiraf edir ki, Türkiyədə maaşı klubdan alır, federasiyadan deyil. Bütün dünyada belədir».
