vaxtlı-vaxtında oxuyun! Bazar, 23 sentyabr 2018
ABŞ dolları 1 USD = 1.7000 AZN
Avro 1 EUR = 2.0024 AZN
Rusiya rublu 1 RUB = 0.0256 AZN
İngilis funt sterlinqi 1 GBP = 2.2562 AZN
Türk lirəsi 1 TRY = 0.2727 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
GÜNDƏM  
09:24 | 21 iyun 2018 | Cümə axşamı Məqaləyə 471 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Sahibsiz torpaq yoxdur”

Zakir Həsənov: “Laçına gedən yol artıq ordumuzun nəzarətindədir”

MÖVZU İLƏ ƏLAQƏLİ

  • “Ona insan deməzdim...”

    Zakir Həsənov Ermənistanda general Manvel rüsvayçılığı haqda ...

  • “İskəndər”in qənimi “LORA”

    İsraildən alınan, HHM qüüvələrini qorxulu röyası olan, hədəfi 10 saniyə ərzində 10 metr dəqiqliklə vuran operativ-taktiki kvaziballistik raketlərini raketdən müdafiə sistemləri tuta bilmir

  • “Polonez”lər gəldi

    Azərbaycan “İskəndəri” kölgədə qoyan raket kompleksləri ilə silah arsenalını zənginləşdirdi

  • Nazir Türkiyəyə gedir

    Zakir Həsənov “Efes-2018” təlimlərinin yekun mərhələsinə dəvət olunub

“Naxçıvanda çox uğurlu əməliyyat keçirilib”. Bunu müdafiə naziri, general-polkovnik Zakir Həsənov deyib. Nazir qeyd edib ki, neytral torpaq anlayışı yoxdur: “Sahibsiz torpaq yoxdur. Ora bizim torpaqlarımızdır. Ordumuzun uğurlu əməliyyatı nəticəsində 11 min hektar ərazi işğaldan azad edildi. Bildirmək istəyirəm ki, Laçına gedən yola artıq ordumuz nəzarət edir. Bu bizim növbəti uğurumuzdur”.

***

 

12:19

“Düşmən bizə qarşı çox güclü informasiya mübarizəsi aparır. Lakin onlar bunda da bizə uduzurlar”. Bunu müdafiə naziri, general-polkovnik Zakir Həsənov deyib.

“Biz hər vasitə ilə düşməni məğlub etməyə çalışırıq. Hamınız gördünüz ki, Ali Baş Komandan, cənab İlham Əliyev Ermənistan prezidentini heç bir silahdan istifadə etmədən diplomatiya ilə məhv etdi, Sarkisyan hakimiyyətini bitirdi.

Bu gün biz hamımız düşmənlə mübarizə aparmalıyıq. Erməni xüsusi xidmət orqanları sosial şəbəkələr vasitəsi ilə bizdə inamsızlıq yaratmağa çalışır. Hörmətli media nümayəndələri belə provokasiyalara getməməlidir.

Mətbuat işçilərindən xahişim odur ki, diqqətli olsunlar. KİV böyük qüvvədir. Bu böyük qüvvə də düşmənlə mübarizəyə, vətənin müdafiəsinə qoşulmalıdır”, - deyə nazir vurğulayıb.

 

***

 

11:45

“Təxminən bir il, il yarım əvvəl ajiotaj yaranmışdı ki, düşmən hansısa raketlər alıb. Mən o vaxt bəyan etdim, bildirdim ki, bizim hava hücumundan müdafiə vasitələrimiz düşmənin silahlanmasında yer alan istənilən raketi neytrallaşdırmaq imkanındadır. İndi isə Azərbaycan ordusu düşmənin əlində olan raketlərdən daha uzaq məsafəli, daha dəqiq və zərbə gücü baxımından daha səmərəli raketlərlə silahlanıb. Siz bu raketləri bu günlərdə gördünüz”.

 

Virtualaz.org xəbər verir ki, belə bəyanata müdafiə naziri Zakir Həsənov hərbi poliqonda keçirdiyi mətbuat konfransında çıxış edib.

Nazir bildirib ki, Azərbaycan ordusunun silahlanmasına daxil olan həmin raketlər alınmazdan əvvəl onların taktiki göstəriciləri, imkanları prezidentə məruzə olunub. Və həmin raketlərin alınması şəxsən prezidentin nəzarəti altında həyata keçirilib. Belə ki, prezident ordunun yüksək dəqiqlikli, uzaqvuran raketlərlə təmin edilməsi vəzifəsini qarşıya qoymuşdu və bu vəzifə qısa zamanda yerinə yetirildi.

 

***

 

11:11

Bu gün, iyunun 20-də müdafiə naziri general-polkovnik Zakir Həsənov hərbi poliqonda müxtəlif bölmələrlə keçirilən səhra məşğələlərinin gedişini izləyib, H.Əliyev adına Azərbaycan Ali Hərbi Məktəbinin 3-cü kurs kursantlarının taktiki məşğələlərinin keçirildiyi taktiki qüllədəki tədris sinfində olub.

Virtualaz.org xəbər verir ki, burada şərti olaraq, Azərbaycan Ordusunun kursantlardan ibarət mexanikləşdirilmiş taqımı şərti düşmən üzərinə hücumu məşq edib. Məşğələnin planına uyğun olaraq, kursantlar, taqım və manqa komandirləri xəritə üzərində hücum planını müzakirə ediblər, döyüş tapşırıqları verilib. Döyüş tapşırıqlarına əsasən, mexanikləşdirilmiş taqım düşmən üzərinə tankın və piyada döyüş maşınlarının dəstəyi ilə hücuma keçib. Onların atəş nöqtələrinə zərbə endirilib və təyin olunmuş vaxtda bölmələr düşmən mövqelərini tutaraq nəzərdə tutulmuş xətt üzrə möhkəmləniblər.

Müdafiə naziri kursantlara öz tövsiyələrini verib. Hazırda tədbir davam edir, müdafiə naziri Zakir Həsənov snayeperlərin hazırlığı mərkəzinin atış sahəsindədir. Burada Azərbaycan Ordusunun snayper hazırlığı kursunun müdavimləri təlim məşq tapşırıqlarını yerinə yetirirlər.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *