vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Nəriman Nərimanov (1870 - 1925)

«Siz ata-babalarınızın müqəddəs yerlərinə o vaxt VƏTƏN deyə bilərsiniz ki, onun sahibi olasınız»

Nəriman Nərimanov (1870 - 1925)
TOP OYUNLARI  
17:59 | 22 iyun 2019 | Şənbə Məqaləyə 19000 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Qadınları stadiona buraxın”

FİFA İrana qarşı tələb irəli sürdü

MÖVZU İLƏ ƏLAQƏLİ

Beynəlxalq Futbol Federasiyaları Assosiasiyasının (FİFA) prezidenti Canni İnnfantino İran Futbol Federasiyasından və ölkənin dövlət məmurlarından buna təminat verilməsini tələb edib ki, 2022-ci ildə Qətərdə keçiriləcək futbol üzrə dünya çempionatına təsnifat mərhələsində İranda qadınların yığma komandanın matçlarına getmələrinə icazə veriləcək.

“Associated Press” agentliyi xəbər verir ki, 2018-ci ilin martında Tehranda “Esteqlal” və “Persepolis” komandaları arasında keçirilmiş matça getmiş İnfantino qadınların həmin oyuna getmələrinin qadağan olunmasını kəskin tənqid edib. Keçən ilin noyabr ayında isə İnfantino Asiya Çempionlar Liqasının finalında İranın “Persepolis” və Yaponiyanın “Kasima Antlers” klubları arasında ikinci matçda (0:0) minlərlə iranlı qadının həmin oyuna tribunalardan tamaşa etməsinin şahidi olub.

İnfantino İran Futbol Federasiyasının prezidenti Mehdi Taca məktubunda yazır: “Təəssüf ki, İran 2018-ci ilin martında ölkə prezidenti Həsən Ruhaninin qadınların futbol matçlarına getmələrinə icazə veriləcəyi barədə vədini yerinə yetirmədi. Bununla əlaqədar İran Futbol Federasiyasından və dövlət məmurlarından xahiş edirəm, iyulun 15-dən gec olmayaraq müvafiq tədbirlər görülsün və 2022-ci ildə Qətərdə keçiriləcək futbol üzrə dünya çempionatına 2019-cu ilin sentyabr ayında başlanacaq təsnifat mərhələsində İran vətəndaşı olan və bu ölkənin ərazisində əcnəbilər kimi yaşayan bütün qadınların İran yığmasının matçlarına bilet almalarına və oyunlara getmələrinə icazə verilsin”.

İnfantino daha sonra yazır: “Mən əsl tərəqqinin şahidi oldum. İlk mühüm addımlar atılmışdı və məni çox təəssüfləndirən budur ki, sonrakı addımlar atılmayıb”.

İranda 1979-cu il İslam İnqilabından sonra qadınların kişilər arasında keçirilən idman yarışlarına getmələri qadağan edilib.