vaxtlı-vaxtında oxuyun! Bazar ertəsi, 14 iyun 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
GÜNDƏM  
11:53 | 5 sentyabr 2019 | Cümə axşamı Məqaləyə 2700 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

...Şəhidlərimiz Vətəndi

Vətən şəhid olmasın deyə...

Elçin ALIOĞLU

Fuad Poladov dünyasını dəyişmişdi o gün. Zəng gəldi. Beer-Şevadandı, İsraildəndi.

Çox əziz insanım ağlayırdı:

- Fuad öldü, doğrudumu?..

İsraildə Fuad bəyi yox sevirdilər. Azərbaycandan getmiş yəhudilər. O kəslər ki, İsraildə onları “azərbaycanlılar” kimi tanıyırlar.

“Bizim” yəhudilər özlərini belə tanıdıblar. Adam istərəm ki, onların yanında Azərbaycanımın, vətənimin, xalqımın ünvanına hərzə söz deə.

Vifleyemdə yaşayan 87 yaşlı Məryəm (Marina) xala demişkən, “parçalarlar onu”.

... Albertə heykəl qoyuldu. Əslində, Albert xalqımın köksündə, şüurunda, qəlbində çoxdan abidədi. Düşmənlə savaşda şəhid olan bütün qardaş və bacılarım təki. Səngərdə gördüyüm çox igidlər təki.

Albert Aqarunov yəhudidir. Savaşda sinəsini gülləyə verən, “Azərbaycan!” qışqıran, sonra da düşmənə xitabən “Sənin...” bağırıb irəli atılan onlarla yəhudi kimi.

Hamımız kimi.

Təvəqqe edirəm ki, bir məsələni bilin: Azərbaycanda doğulmuş yəhudi sonradan İsrailə, ABŞ-a, Yeni Zelandiyaya, Kanadaya, lap Çiliyə köçə bilər.

Amma Azərbaycan onun qəlbindən heç hara köçməyəcək, köçə də bilməz.

Bunu əla bilirəm.

... Albertə heykəl qoyulması xəbərini eşidəndə qürurlandım.

Çünki şəhidlərimiz Vətəndi.

Vətən şəhid olmasın deyə.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.