vaxtlı-vaxtında oxuyun! Cümə axşamı, 19 may 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
KİNO-TEATR  
12:16 | 16 fevral 2022 | Çərşənbə Məqaləyə 1664 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Ancaq mən türkəm ...”

“Sizinlə danışanda zehnim söhbəti türkcəyə çevirir və mən yenidən onu farscaya tərcümə edirəm”

Əlirza QULUNCU

MÖVZU İLƏ ƏLAQƏLİ

İranda tanınmış rejissor və aktyor Hadi Hicazifərin 1980-1988-ci illərdə baş vermiş İran-İraq müharibəsi haqqında çəkdiyi türkdilli “Mehdinin Mövqeyi” filmi 40-cı Beynəlxalq Fəcr Festivalının qalibi olub.

Hadi Hicazifərin rejissor, ssenarist və baş rol aktyoru olduğu kinofilm İran-İraq müharibəsində öldürülən məşhur komandir və Urmiyanın sabiq Bələdiyyə Başqanı Mehdi Bakirinin həyatının son illərini təsvir edir.

Hazırda İranda böyük ekranlarda olan türkdilli “Atabay” filmi xüsusilə İran Azərbaycanında əldə etdiyi uğur sayəsində hazırkı dövrdə İranda ən çox satılan filmlər arasındadır.

Hicazifərin yeni filminin də türk dilində olması mübahisə mövzusu olub. O, “Mehdinin Mövqeyi” filminin mətbuat konfransında filmin türk dilində çəkilməsinin səbəblərini açıqlayıb.

“Filmin türkcə çəkilməsi buna görədir ki, 31-ci Aşura Briqadası türklərin briqadası olub. İçində sadəcə iki nəfər farsdilli olub. Filmdə olmazdı ki, farsca danışsınlar”, rejissor qeyd edib.

Hadi Hicazifər dövlət agentliyi İRNA-ya müsahibədə də filmin dili haqqında izahat verib. “Türk dili üzərində israrım yoxdur”, o, söyləyib. “Təəssüf ki, biz dil və mədəniyyət müxtəlifliyinin gözəlliklərindən xəbərsizik. Hər şeyi memarlıqda olduğu kimi tək şəkil və tək formaya çevirməyə çalışırıq. Həqiqətən türkcə film çəkməkdə israrım yoxdur. Ancaq mən türkəm, sizinlə danışdığım zaman zehnim bu söhbəti türkcəyə çevirir və mən yenidən onu farscaya tərcümə edirəm”, o bildirib.

“Mehdinin Mövqeyi” filminin əsas xarakteri Mehdi Bakiri Urmiyanın sabiq bələdiyyə başqanı və İran-İraq müharibəsində 31-ci Aşura diviziyasının komandiri olub. O, 1985-ci ilin mart ayında 31 yaşında ikən müharibədə öldürülüb. Bakiri İran İslam Respublikasında İran-İraq müharibəsinin ən önəmli fiqurlarından biri hesab edilir. İran Azərbaycanı başda olmaqla ölkənin hər tərəfində onun xatirəsini əziz tutmaq üçün şəhərlərin bir çox əsas küçələri və ümumi məkanlarına “Şəhid Mehdi Bakiri” adı verilib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.