vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
TÜRK DÜNYASI  
14:22 | 3 aprel 2022 | Bazar Məqaləyə 506 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tokayevə sui-qəsdin qarşısı alınıb

Saxlanan şübhəli xarici kəşfiyyata işləyib

MÖVZU İLƏ ƏLAQƏLİ

Aprelin 3-də Qazaxıstan Milli Təhlükəsizlik Komitəsi prezident Qasım-Comərt Tokayevə sui-qəsd hazırlayan ölkə vətəndaşının həbs edildiyini açıqlayıb.

Məlumatda iddia olunur ki, saxlanan şübhəli xarici kəşfiyyata işləyib və onun vəzifələrindən biri “cəmiyyətdə rusofob fikirlər yaratmaq” və Rusiya əleyhinə təbliğat yaymaq olub.

“Kazinform” dövlət agentliyi Təhlükəsizlik Komitəsinə istinadla yazır ki, şübhəli digər məmurlara və hüquq-mühafizə orqanlarının əməkdaşlarına qarşı terror aktları törətməyi planlaşdırırımış. Xəbərdə o da iddia olunur ki, saxlanılan şəxs xarici dövlətin tapşırıqlarını yerinə yetirdiyini etiraf edib.

Saxlanılan şəxsin hansı ölkəyə işləyə biləcəyi açıqlanmır. “Kazinform” ölkənin paytaxtında həbs edilərkən şübhəli şəxsdən götürüldüyü iddia edilən nağd ABŞ dolları və snayper tüfənginin fotoşəkillərini yayıb.

68 yaşlı Tokayev 2019-cu ildə keçirilən növbədənkənar seçkidə ilk prezident seçilib. O, müxtəlif vaxtlarda ölkənin baş və xarici işlər naziri olub. Qazaxıstanın keçmiş prezidenti Nazarbayevin istefasından sonra dövlət başçısı səlahiyyətlərini icra edib.

2022-ci ilin yanvarında Qazaxıstanda iğtişaşlara çevrilən kütləvi etirazlar olub. İğtişaşları yatırmaq üçün Tokayev Moskvanın dəstəyindən istifadə edib. Ölkəyə Kollektiv Təhlükəsizlik Müqaviləsi Təşkilatının hərbi bölmələri yeridilib.