“Ordumuz bağışlamayacaq”
Kəlbəcər təxribatının pərdəarxası
Təhməz ƏSƏDOV
MÖVZU İLƏ ƏLAQƏLİ
-
Ağdamın son ucu
Qərib eldə qaçqınlığın bitməsinin sevinci
-
“Erməni vandalları Azıx mağarasında partlayış törətmişdilər”
Professor Abbas Seyidov: “İşğaldan azad edilmiş ərazilərdə beynəlxalq ekspertlərin iştirakı ilə daha geniş arxeoloji tədqiqatlar aparılacaq”
-
“Pulyuyan camaşırxana”çı ...
... Yaxud Kremlin yalanı, Vardanyanın “planı”
-
Vardanyanın son sözü
Bakının cavabı necə olacaq?
-
Xəyanətin miqyası artır
Qəpik-quruş üçün vətənini, millətini satanlar...
-
Bakı AHİM-ə şikayət etdi
Beynəlxalq hüquqa uyğun təzminatın tələbi prosesi başlayır
-
Laçın-Xankəndi yolunda dinc aksiya yeddinci günündə davam edir
Azərbaycan XİN aksiyanın mahiyyətini kobud təhrif edən xarici ölkələrə cavab verib...
-
Düşmən bizi vahid görməlidir
Xalq hər məqamda mübarizəyə hazır olduğunu bir daha nümayiş etdirir
-
Ekoloji aksiya siyasiləşir?
Yeni tələblər irəli sürüldü
-
Dombra – qəlb sazından çıxan səda
“Astana Opera”nın Bakıya qastrolu
-
Yolkəsənlərin başqa yolu yoxdur!
Arutyunyan və Vardanyan hazırda bizim üçün heç kimdir
-
Düşmənlərimizi birləşdirən aksiya...
“Dahiyanə” öncəgörmələr bizdə xof hissi yaratmağa hesablanıb
-
Azərbaycan şantajlardan qorxmamalıdır
Qırmızı xətti qoruyan iradəni görən dünya Bakıyla hesablaşmaq məcburiyyətində qalacaq
-
Türk dünyasının həmrəyliyi üçün ən gözəl model
Qardaş ölkədəki QHT-lərdən Laçın dəhlizi aksiyaçılarına dəstək
-
Üç Türk lider bölgənin iqtisadi xəritəsini dəyişir
ABŞ-ın narazı qaldığı məqam
-
... Kremldən gələcək bəyanat
Barmaq sayı qədər ədalətli insanın olduğu ...
“Azərbaycan tərəfi Ermənistanın təxribatlarına dəfələrlə öz münasibətini bildirərək xəbərdarlıq edib ki, adekvat cavab veriləcək”. Bunu ehtiyatda olan polkovnik, hərbi ekspert Şair Ramaldanov deyib.
O bildirib ki, regionda sülhün olmasını istəməyən qüvvələr var: “Biz indi Azərbaycanla Ermənistan arasındakı dövlət sərhədindəki təxribatlardan danışırıq. Sərhəd məsələsi ilə əmmalar hələ ki çoxdur. Ermənistan-Azərbaycan sərhədi hələ ki iki dövlət tərəfindən ratifikasiya və yaxud delimitasiya-demarkasiya olunmayıb. Yəni sərhəd demək olar ki, sərhəddən çox indiki vəziyyətdə bir təmas xəttidir. Ona görə ki, indi hər iki tərəfdə səngərlər qazılıb və hər iki tərəfdən mövqelər qurulub.
Təbii ki, Azərbaycan bu mövqeləri müəyyən qaydalar əsasında dövlət sərhədi kimi qəbul edib və öz dövlət sərhədini məhz bu sərhədlərlə qoruyur. Ancaq heç bir rəsmi sənədləşmə getmir. Təbii ki, ermənilər bunu de-yure qəbul etmirlər və indiyə kimi də delimitasiya-demarkasiya məsələsi də uzanır.
Aydındır ki, Azərbaycanla Ermənistan münasibətlərində daim gərginlik saxlamaq istəyən, bunda maraqlı olan qüvvələr var. Bu qüvvələr demək olar ki, xaricdən təsir edirlər və mütəmadi olaraq Ermənistanın istər daxili, istərsə də xarici siyasətində müəyyən gərginliyə səbəb olacaq addımları müşahidə olunur.
Geosiyasi arenada hazırda davam edən proseslərə nəzərən məhz Cənubi Qafqazda sülhün olmasını istəməyən qüvvələr mövcuddur. Bəzi böyük dövlətlər də bu qüvvələrin içində olmaqla erməni diasporları vasitəsilə öz siyasətini həyata keçirməyə çalışırlar. Bunlar hamısı demək olar ki, geosiyasi arenada gedən proseslərin nəticəsidir. Əgər biz nəzərdə tutsaq ki, Ermənistan məhz Rusiyanın forpostu kimi qəbul olunur və Rusiyanın həm marağını, həm də ki, bu regionda olan təzyiqini nəzərə alsaq, əlbəttə, bu dəqiqə Rusiyaya qarşı olan digər proseslər də məhz burada da müəyyən şəkildə öz əksini tapır.
Uzağa getməyək, dərinə də getməyək. Hazırda bir Bəyannamə (10 noyabr 2020-ci il - red.) var, orada müddəalar var. Müddəalar üzərində hər üç tərəf də (Rusiya, Azərbaycan, Ermənistan) işləyib. Əlbəttə, yavaş-gec getsə də hər halda indi delimitasiya-demarkasiya məsələsi gündəmdədir. Belə olduğu halda Azərbaycanla Ermənistan arasında nə qədər çox qonşuluq münasibətlərinə doğru proseslər müsbət məcrada davam edəcəksə, bunu istəməyən qüvvələr də o qədər aktivləşəcək və çalışacaqlar ki, buna müəyyən şəkildə mane olsunlar.
Azərbaycan öz seçimini edib və əməliyyat şəraitinə nəzarət edir, güclü ordusu var, imkanları Ermənistanın hər hansı təxribatının qarışının alınmasına qadirdir və alır da. Ona görə də Azərbaycan bundan sonra da istənilən bir təxribata, atəşkəsin pozulmasına adekvat cavab verərək qarşı tərəfi yerində otuzduracaq”. (Milli.az)