vaxtlı-vaxtında oxuyun! Bazar ertəsi, 6 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
TÜRK DÜNYASI  
00:15 | 7 dekabr 2022 | Çərşənbə Məqaləyə 617 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qardaş yumruğu və mollaların bədbəxtliyi...

Ayətullahlar sovetin qoca Politbüro üzvləri kimi eyni durum, eyni “ssenari” ilə üzləşib

Bəybala MİRZƏYEV

MÖVZU İLƏ ƏLAQƏLİ

Azərbaycanın Türkiyə ilə birgə hərbi təlimi hətta Ermənistandan da daha çox, deyəsən, məhz İran rəhbərliyini narahat edib.

Bunu ayətullah Xameneyinin əmri ilə İranın bütün güc strukturlarının keçirdiyi birgə toplantıda çıxış edən rəsmi şəxslərdən birinin ali dini rəhbərin adından səsləndirdiyi belə bir fikirdən də görmək mümkündür: “Rəhbərin göstərişi budur ki, Azərbaycana xüsusi diqqət yetirin”. 

Bəli, biz ənənəvi molla siyasətinin bundan sonra daha da məkrli şəkildə davam etdirilməsinin şahidi olacağıq. Azərbaycana qarşı psixoloji-siyasi təzyiqləri daha da artırmaq, Ermənistana isə daha çox qucaq açmaq siyasəti yürüdüləcək. 

İranın bu xətdən geri çəkilmək fikri yoxdur. Çünki mollalar özlərinə “dayan!” əmri verməyi, ziyanın yarısından vaxtında geri qayıtmağı, yanlış siyasətdən əl çəkməyi, öz düşüncə və siyasətlərini yeniləməyi, “yurdda sülh, cahanda sülh” anlayışı ilə hər şeyə yeni başdan başlamağı bacarmırlar. 

Mollalar yeni təfəkkür tərzinə keçid etməyə hazır deyillər. Onlar rejim daxilində köklü islahat aparmağı, rejimin aqressiv xarakterini mülayim siyasətlə əvəzləməyi, özlərini yeni çağırışlara uyğun transformasiya etməyi bacarmırlar. Mollaların bədbəxtliyi, rejimin faciəsi də məhz bundadır. 

Keçmiş “şər imperiyaları”ndan biri – Sovetlər İttifaqı da vaxtilə məhz belə bir aqibəti yaşadı. Politbüroda oturan qartımış qocalar (Brejnev, Andropov, Çernenko, Qromıko, Suslov və b.) sovet rejiminin daxilində islahatlar apara bilmədilər, ona görə də rejim “durğunluq” dövrü ilə üzləşdi, gorbagor Qorbaçov isə iflas ərəfəsində olan sovet dövlətini birdən-birə radikal surətdə yeniləməyə, onu yenidən qurmağa başlayanda isə, bu cür radikal dəyişikliyə hazır olmayan rejim çökdü, Sovetlər Birliyi dağıldı. 

İndi İranı idarə edən (əslində isə idarə edə bilməyən) qoca ayətullahlar da sovetin qoca Politbüro üzvləri kimi eyni durum, eyni “ssenari” ilə üzləşiblər. 

Və ayətullahlar bu durumun, bu böhranın real səbəblərini axtarıb tapmaq, öz yanlış siyasətlərindən vaxtında əl çəkmək əvəzinə, nədənsə, bütün acıqlarını məhz Azərbaycandan çıxmağa çalışırlar. 

Bəlkə də bu rejimin (İranın fars-molla rejimi) başbilənləri hətta gecələr yuxularında da məhz “Zəngəzur dəhlizi” və “qırmızı xəttimiz” deyib sayıqlayırlar. 

Sayıqlamalar isə sonun başlanğıcıdır. 

Mollaların yanlış seçimi (Azərbaycanı deyil Ermənistanı dəstəkləmələri) geosiyasi məntiqə də, ilahi ədalət prinsipinə də ziddir. Bu isə sonda nəinki sayıqlamaqla, hətta sarsıdıcı məğlubiyyətlə də nəticələnə bilər. Axı ilahi ədaləti heç kim poza bilməz!


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)