Təxminən 10 gündən sonra Ermənistan-Azərbaycan dəmir yolunun bərpa edilməli olan iki hissəsində mütəxəssislər araşdırmalara başlayacaq və onların əsasında layihə hazırlanacaq. Bunu “Azadlıq” radiosunun erməni xidmətinə Ermənistan-Azərbaycan dəmir yolunun bərpası proqramı üzrə işçi qrupunun rəhbəri, Ermənistan baş nazirinin müşaviri Artaşes Tumanyan deyib.

Tumanyan qeyd edib ki, işçi qrupun işində “Rusiya Dəmir Yolları”nın mütəxəssisləri də iştirak edəcək.

Onun sözlərinə görə, tikinti işlərinə başlamaq üçün Azərbaycanla Ermənistan arasında əldə olunan razılaşmalar sənəddə qeyd olunmalıdır: bu, həm ikitərəfli, həm də üçtərəfli razılaşma ola bilər.

“Ən azı iki tərəf öhdəlik götürməlidir, çünki onlar birlikdə işləməlidirlər. İstiqamətlər və birgə işlər var. Dəmir yolunun Yerasx (Arazden) hissəsinin bərpası aylar, Meğri hissəsinin (burada 45 kilometrlik dəmir yolunun çəkilməlidir) üç il çəkəcək. Bu işlərin Ermənistana nə qədər başa gələcəyi hələlik bəlli deyil”, o əlavə edib.