Avropada milyonlarla insan hava limanından şəhər mərkəzinə getmək və ya gecə gec evə qayıtmaq üçün taksilərdən istifadə edir. Ancaq bu rahatlığın qiyməti şəhərdən şəhərə və zamandan çox dəyişə bilər.

“Fit Reisen” səyahət şirkəti Avropa qitəsinin 70-ə yaxın böyük şəhərində taksi tariflərini müqayisə edib. Tədqiqat 10 kilometrlik taksi səyahətinin ümumi dəyərini araşdırıb və bu rəqəmi Avropa ortalaması ilə müqayisə edib. Məlumatlara görə, Avropada 10 kilometrlik taksi qiyməti orta hesabla 19,23 avroya başa gəlir.

***

Araşdırmalara görə, Avropada ən bahalı taksi qiymətləri Hollandiyadadır. Siyahının başında Amsterdam gəlir. Burada 10 kilometrlik səyahət 34,65 avroya başa gəlir. Bu göstərici Avropanın orta göstəricisindən təxminən 80 faiz yuxarıdır. İkinci yerdə Hollandiyadan olan Rotterdamdır. Burada eyni məsafə 33,62 avroya başa gəlir.

Almaniyanın Bavariya əyalətinin paytaxtı Münhen 32,90 avro ilə üçüncü olub. Bu, Avropa ortalamasından 71 faiz çoxdur və eyni zamanda Almaniyada ən yüksək taksi qiymətidir. Münhendə taksi açılışı haqqı 5,90 avro, kilometrə görə isə 2,70 avrodur.

Ən yüksək taksi qiymətinə malik 10 Avropa şəhəri

1. Amsterdam – 34,65 avro

2. Rotterdam – 33,62 avro

3. Münhen – 32,90 avro

4. Hannover – 32,50 avro

5. Düsseldorf – 32 avro

6. Bremen – 31,80 avro

7. Ştutqart – 31,20 avro

8. London – 31,06 avro

9. Hamburq – 30,80 avro

10. Drezden – 30,70 avro

***

Araşdırmada ən ucuz şəhərlər əsasən Şərqi Avropadadır. Siyahının sonunda Şimali Makedoniyadan Skopye (5,68 avro), Moldovadan Kişinyov (4 avro) və Albaniyadan Tirana (3,12 avro) qərarlaşıb.