vaxtlı-vaxtında oxuyun! Bazar ertəsi, 7 iyul 2025
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
TURİZM, NƏQLİYYAT  
“Ata” Hava Yollarının təyyarəsi Türkiyəyə endi 09:09 | 7 iyul 2025 | Bazar ertəsi Məqaləyə 21 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Ata” Hava Yollarının təyyarəsi Türkiyəyə endi

Hücumlardan sonra ilk uçuş Təbrizdən İstanbula həyata keçirilib

CAVİD

MÖVZU İLƏ ƏLAQƏLİ

İranın Təbriz şəhərində İsrailin hücumları nəticəsində zədələnən hava limanının uçuş-enmə zolaqları təmir edildikdən sonra ilk uçuş İstanbula həyata keçirilib.

İranın rəsmi xəbər agentliyi İRNA-nın məlumatına görə, Şərqi Azərbaycan Hava Limanlarının baş direktoru Ramin Azəri mövzu ilə bağlı açıqlama verib.

Azəri İsrailin hücumları nəticəsində zədələnən Təbriz Beynəlxalq Hava Limanının uçuş-enmə zolaqlarında təmir işlərinin dünən səhər saatlarından etibarən tamamlandığını açıqlayıb.

Hava limanından ilk uçuşun uçuş-enmə zolağının açılmasından sonra edildiyini qeyd edən Azəri, “23 günlük fasilədən sonra Təbriz-İstanbul reysi İran Ata Hava Yolları tərəfindən həyata keçirilib”, – dedi.

İranın ən mühüm hava limanlarından biri olan Təbriz Beynəlxalq Hava Limanı İsrailin bu ölkəyə hücumları nəticəsində zədələnmişdi.

Hər iki uçuş-enmə zolağı zədələnmiş hava limanı 23 gün ərzində fəaliyyət göstərmirdi.

İran rəsmiləri ölkənin hava məkanının milli və beynəlxalq uçuşlar üçün açıldığını və Təbriz və İsfahandan başqa bütün şəhərlərə uçuşların başladığını açıqlayıb.

İranın Mülki Aviasiya Təşkilatı da İsfahan və Təbrizdən başqa bütün hava limanlarının saat 05:00-18:00 arasında daxili və beynəlxalq uçuşlara açıq olacağını açıqlayıb.