Dünyada ən çox ticarət edilən qiymətli metallardan biri olan qızıl, həftə sonu son iki ayın ən güclü artımını göstərdikdən sonra həftənin ilk ticarət günündə sabit qaldı.

ABŞ-da açıqlanan zəif məşğulluq göstəricilərinin iqtisadiyyat və Federal Ehtiyat Sisteminin (FED) faiz siyasəti üzərindəki mümkün təsirləri bazarlarda diqqətlə izlənilir.

Avqustun 1-i külçə qızıl bir sessiyada 2,2 faiz bahalaşaraq 1 unsiya üçün 3.360 dollara qədər yüksəldi. Bu gün səhər saatlarında isə qiymət 3.354,29 dollar səviyyəsinə qədər enərək sabitləşdi. Bu yüksəlişə ABŞ-da məşğulluq artımının kəskin şəkildə yavaşlaması və Prezident Donald Trampın 1930-cu illərdən bu yana ən sərt ticarət tariflərini tətbiq etməsi səbəb olub.

ABŞ Əmək Nazirliyinin açıqladığı son statistikaya görə, 2025-ci ilin iyul ayında cəmi 73 min yeni iş yeri yaradılıb. Əlavə olaraq, əvvəlki iki ayın məşğulluq göstəriciləri ümumilikdə 260 min nəfər aşağı yönlü yenidən hesablanıb. Bu göstəricilərin ardından Tramp, Əmək Statistikası Bürosunun rəhbərini vəzifəsindən azad edib.

Digər qiymətli metallar bazarında isə gümüş 0,4 faiz dəyər itirib. Palladium və platin qiymətləri də cüzi şəkildə enib. Bu arada “Bloomberg Dolar Spot İndeksi” bu gün səhər sabit qalıb.