ABŞ-da iyul ayına dair inflyasiya göstəriciləri açıqlanıb. Əmək Nazirliyinin məlumatına görə, aylıq inflyasiya 0,2% ilə gözləntilərə uyğun gəlib, illik inflyasiya isə 2,7% olaraq proqnozun (2,8%) bir qədər altında qalıb. İyunun aylıq göstəricisi isə 0,3% olmuşdu.

Qida və enerji qiymətlərini əhatə etməyən sabitləşdirilmiş inflyasiya göstəricisi iyul ayında sürətlənib. İyunda 0,2% artan CPI (Consumer Price Index – İstehlak Qiymətləri İndeksi), iyulda aylıq 0,3% yüksəlib. İllik əsasda isə 3,1%-lik nəticə ilə bazar gözləntilərini üstələyib.

Məlumatların açıqlanmasından sonra investorlar sentyabr ayında Federal Ehtiyat Sistemindən faiz endirimi ehtimalını daha yüksək qiymətləndirməyə başlayıb.

Ekspertlər bildirir ki, xidmət sektorunda davam edən bahalaşma FED siyasətçiləri üçün əlavə çətinliklər yarada bilər. Eyni zamanda, Prezident Donald Trampın tətbiq etdiyi əlavə gömrük rüsumlarının mallarda qalıcı inflyasiya təzyiqi yaradıb-yaratmayacağı məsələsi hələ də müzakirə mövzusudur. FED isə bu il faizləri dəyişməz saxlayaraq, Trampın təkrar-təkrar etdiyi endirim çağırışlarına qarşı dayanıb.