Növbə Kubaya çatdı?
Tramp ABŞ-ın böyük başağrısını yox etməyə yaxındır
20:31 | 18 noyabr 2013 | Bazar ertəsi
Məqaləyə 4163 dəfə baxılıb
Şriftin ölçüsü
Putin Azərbaycanda çevriliş etmək istəyir?
Mixail Saakaşvili “The New York Times”a açıqlamasından: “İndi o, əmindir ki, heç kim buna qarşı heç nə etməyəcək...”
Virtualaz.org
MÖVZU İLƏ ƏLAQƏLİ
-
-
Venesuela – sosializmin sonuncu viranəsi...
... Padşahı yatağında oğurlanan neft ölkəsinin hekayəti
-
Gecikmiş qisas ...
... Və ya klanların “taxt oyunları”
-
Hay-küyçü Maduro
Venesuela prezidentinin verdiyi bəyanatlar və atdığı addımlar yalnız görüntü olub
-
Müharibə regiona sıçrayır
Savaşın uzanmasına əvvəlki illərdəki kimi nikbin yanaşmaq mümkün deyil
-
Trampın oğlu nişanlandı
ABŞ prezidenti bankirlə quda olur
-
Gənc nəsil dünyanı qorxulu yer kimi görür
Alim araşdırmasında təhlükəli nəticələr əldə etdi
-
Maduro üçün geri sayım başladı
Dövlət Departamentindən Venesuela diktatoruna zərbə
-
ABŞ–Rusiya “sülh” planı layihəsi ...
... Əslində Ukraynanın suverenliyinə və Avropanın isə təhlükəsizliyinə strateji təhdiddir
-
Ukrayna üçün “Finlandizasiya” modeli
Təəssüf ki, başqa yol görünmür...
-
AB ABŞ ilə kəşfiyyat mübadiləsini dayandırdı
Birliyə üzv üç ölkənin Cənubi Amerika sahillərində adaları var
-
ABŞ-ın Ukrayna planının arxasındakı rus iqtisadçı kimdir?
Harvard məzunu Dmitriyevin adı seçkilərə müdaxilə hesabatında da keçir
-
Dünyanın axtardığı terrorçu Bakının əlində
Rusiya və Qərbin “QRU” agenti uğrunda amansız savaşı – ŞOK DETALLAR
-
ABŞ-ın dövlət borcu rekord həddə çatdı
“Moody’s” reytinqi endirdi
-
Hədəyə hədə ilə cavab
Tramp: “Rusiya sahilləri yaxınlığında bizim dünyada ən güclü atom sualtı qayıq var”
-
3 qonşunun 4 tərəfdən hücumu
Bu müharibədə silah məlumat, müdafiə isə milli şüurdur
Gürcüstanın səlahiyyətləri dünən başa çatan və həbs təhlükəsi qarşısında mühacirətə gedən keçmiş prezident Mixail Saakaşvili Rusiyanın Azərbaycandakı hakimiyyət dəyişikliyi planını yenidən gündəmə gətirib. Virtualaz.org saytının xəbərinə görə, Saakaşvili səlahiyyət müddətinin başa çatmasına bir neçə gün qalmış “The New York Times” qəzetinin əməkdaşı ilə söhbətində deyib ki, ABŞ administrasiyası Suriyaya hərbi müdaxilə fikrindən daşınmaqla Rusiya prezidenti Vladimir Putin qarşısında öz zəifliyini nümayiş etdirdi.
“Əgər Amerika Suriyada hətta məhdud əməliyyat da keçirsəydi, Putin riskə gedərdi. İndi o demək olar əmindir, yaxud tam əmindir ki, nə etsə də - Gürcüstandan keçən boru kəmərini kəssə, Tiflisi işğal etsə, Azərbaycan rəhbərliyini devirsə də heç kim buna qarşı bir-iki səs-küylü bəyanat verməkdən və pisləməkdən başqa heç nə etməyəcək” - deyə Saakaşvili bildirib.
Xatırladaq ki, Saakaşvili Azərbaycandakı prezident seçkilərindən bir neçə ay əvvəl Bakıda səfərdə olub və geri qayıdandan sonra Tiflisdə jurnalistlərə Rusiyanın Bakıda hakimiyyəti dəyişdirmək planları haqda danışıb.
Saakaşvili o vaxt bildirmişdi ki, Rusiya Azərbaycanda da Gürcüstan ssenarisi üzrə hakimiyyət dəyişikliyi hazırlayıb, bu məqsədlə “LUKoil” prezidenti Vahid Ələkbərovu və “Borçalıdan olan hansısa Söyün Sadıqovu” işə qoşub.
Keçmiş prezident ABŞ-ın real dəstəyini hiss etmədiklərinə görə şikayətlənərək deyib ki, Vaşinqtondakı dostlar onları tərifləməkdən uzağa getmir: “Deyirlər ki, siz əla uşaqlarsınız. Siz bizim xoşumuza gəlirsiniz, demokratiya əla keçid etdiniz, hakimiyyəti dinc şəkildə ötürdünüz və s. Ancaq görürlərmi ki, bizim başqa qayğılarımız xirtdəyə qədərdir?! Deyirlər ki, bizi sizin tərəfinizdəyik, ancaq nə edə bilərik...”
Qəzet yazır ki, yeni prezident Giorgi Marqvelaşvilinin inauqurasiya mərasimi ABŞ-ın Cənubi Qafqazdan çəkildiyini bir daha sübut edir. Mərasimə nə Obama administrasiyasından, nə də Konqresdən heç kim qatılmayıb. ABŞ-ın adından USAİD rəhbəri Raciv Şahın başçılığı ilə heç kimin tanımadığı bir-iki məmur gözə dəyib.
Saakaşvili bildirib ki, həbs təhlükəsi olduğuna görə Gürcüstana qayıtmayacaq: “Yeni baş nazir məni ya həbsxanada, ya da mühacirətdə görmək istəyir. Mən öz ölkəmdə azad olmaq hüququ uğrunda mübarizə aparmağa çalışıram”.
Qeyd edək ki, Gürcüstanda prezident seçkiləri gününün axşamı səsvermənin ilkin nəticələrinin məlum olmasının ardınca Saakaşvili Tiflisi tərk edib və Avropa İttifaqı ilə “işgüzar danışıqlar” üçün Brüsselə yola düşüb. Həmin vaxtdan o, Gürcüstana geri qayıtmayıb.
Saakaşvili yaydığı bəyanatda bildirib ki, bəzi nüfuzlu institutlardan onun adına elmi mərkəzin yaradılması və bu mərkəzə rəhbərlik etməsi barədə təklif alıb. Keçmiş prezident bir müddət siyasətə qarışmayacağını və bu fəaliyyətlə məşğul olacağını deyib.
