vaxtlı-vaxtında oxuyun! Çərşənbə, 18 iyul 2018
ABŞ dolları 1 USD = 1.7000 AZN
Avro 1 EUR = 1.9921 AZN
Rusiya rublu 1 RUB = 0.0273 AZN
İngilis funt sterlinqi 1 GBP = 2.2519 AZN
Türk lirəsi 1 TRY = 0.3510 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
GÜNDƏM  
16:59 | 20 noyabr 2017 | Bazar ertəsi Məqaləyə 922 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bakı reaksiya verəcəkmi?

Gürcüstan tezliklə Ermənistanı Rusiyaya birləşdirən dəmir yolunu açır

MÖVZU İLƏ ƏLAQƏLİ

Rusiya və Gürcüstan separatçı Abxaziya və Cənubi Osetiya üzərindən keçən nəqliyyat dəhlizlərinin açılmasını noyabrın sonlarına qədər həll edə bilər. Virtualaz.org xəbər verir ki, bu barədə Gürcüstan baş nazirinin xüsusi nümayəndəsi Zurab Abaşidze bildirib. Abaşidze ötən həftə Praqada Rusiya xarici işlər nazirinin müavini Qriqori Karasinlə iki ölkə münasibətlərinin normallaşmasına dair danışıqların növbəti raundunu keçirib.

Abaşidzenin bəhs etdiyi razılaşma o deməkdir ki, Abxaziya ərazisindən keçən və Rusiyanı Ermənistana birləşdirən dəmir yolu da açılacaq. Hansı ki, həmin dəmir yolu 90-cı illərin əvvəllərindən Abxaziya münaqişəsinə görə bağlıdır. Əgər Abxaziya dəmir yolu açılsa Ermənistan Azərbaycan ərazilərinini işğalı nəticəsində düşdüyü nəqliyyat blokasından çıxacaq. Hansı ki, bu günlərdə istifadəyə verilən Bakı-Tiflis-Qars dəmir yolu Ermənistanın təcridini daha da gücləndirməyə hesablanmışdı.

Abaşidzenin sözlərinə görə, Tiflisdə ümid edirlər ki, Rusiya, Gürcüstan və İsveçrənin SGS şirkəti noyabrın sonlarına qədər müvafiq razılaşmanı imzalayacaqlar. Razılaşmaya əsasən neytral ölkə kimi İsveçrənin SGS şirkəti Cənubi Osetiya və Abxaziyanın Rusiya ilə sərhədində iki nəzarət postu quracaq. Daha iki nəzarət postu isə bu qondarma «respublikaların» Gürcüstanla inzibati sərhədlərində qoyulacaq. Razılaşma Cənubi Osetiya və Abxaziyanın statusuna toxunmadan Rusiya ilə Gürcüstan arasında ticarət əlaqələrinin inkişafına imkan yaradacaq.

Rusiyadakı strateji kommunikasiyalar Mərkəzinin prezidenti Dmitri Abzalov hesab edir ki, indiki siyasi və iqtisadi reallıqlarda Abxaziya və Cənubi Osetiyadan keçən nəqliyyat dəhlizlərinin açılmasına dair razılaşma yaxın vaxtlarda imzalana bilər. Onun sözlərinə görə, bu layihə əslində Saakaşvilinin hakimiyyəti dövründə nəzərdən keçirilirdi. «Lakin prezident Obama ilə görüşdən sonra layihə əngəlləndi. Üstəlik 2008-ci ilin avqust hadisələri də bu dəhlizlərin açılmasını mürəkkəbləşdirmişdi. Lakin razılaşma imzalansa, xüsusən də İsveçrə üçüncü tərəf kimi çıxış etsə bu, layihənin həyata keçirilməsi perspektivlərini ciddi ölçüdə yaxşılaşdıracaq. Razılaşma noyabrın sonlarına qədər imzalansa Rusiya ilə Gürcüstan arasında diplomatik münasibətlərin bərpası mərhələsinə keçmək olar», - ekspert bildirib.

Bundan əvvəl gürcü ekspertləri bildirmişdilər ki, Azərbaycan Abxaziyadan keçən dəmir yolu ilə Ermənistana hərbi yüklərin daşınmaması şərti qoyur. Və Gürcüstan bu şərti nəzərə almalıdır. Lakin ümumən Abxaziya dəmir yolunun açılması Ermənistanın nəqliyyat blokadasına xeyli ölçüdə son verəcəyinə görə Bakının həmin razılaşmaya münasibəti müsbət ola bilməz. Ehtimal etmək olar ki, Azərbaycan tərəfi Gürcüstanla münasibətlərindən və qonşu ölkəyə təsir imkanlarından istifadə edərək Ermənistana hava və su kimi gərəkli olan dəmir yolunun açılmasına mane olacaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *