vaxtlı-vaxtında oxuyun! Bazar ertəsi, 19 fevral 2018
ABŞ dolları 1 USD = 1.7001 AZN
Avro 1 EUR = 2.1335 AZN
Rusiya rublu 1 RUB = 0.0302 AZN
İngilis funt sterlinqi 1 GBP = 2.4037 AZN
Türk lirəsi 1 TRY = 0.4521 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
GÜNDƏM  
11:32 | 13 dekabr 2017 | Çərşənbə Məqaləyə 354 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Onu cinayətkar kimi tutublar...»

Oliqarx Məmişov Süleyman Kərimova görə hiddətləndi

MÖVZU İLƏ ƏLAQƏLİ

Sankt-Peterburq qubernatorunun milli məsələlər üzrə müşaviri, oliqarx Vaqif Məmişov Fransada həbs olunan həmkarı- rusiyalı milyarder-oliqarx Süleyman Kərimovun müdafiəsinə qalxıb. Virtualaz.org xəbər verir ki, Məmişov rəsmi «Peterburqskiy dnevnik» qəzetinə müsahibəsində Fransa polisinin Kərimovu cinayətkar kimi həbs edib əllərini qandallamaqla və iki gün təcridxanada saxlamaqla onun hüquqlarını pozduğunu deyib.

Məmişovun müsahibəsi əslində 10 dekabr beynəlxalq insan haqları Gününə həsr edilmişdi. Lakin azərbaycanlı milyarder beynəlxalq insan haqlarını təkcə Kərimovun hüquqları üzərində qurub, onun diplomatik immunitetə malik olduğu halda həbs edilməsinin qanunsuz olduğunu bildirib.

«Kərimovun diplomatik pasportu var, o, immunitetə malikdir və başqa ölkənin ərazisində saxlanıla bilməz. Lakin bütün bunlara baxmayaraq onu Nitsa aeroportunda cinayətkar kimi saxlayıblar, iki gecə həbsxanada saxlanılıb, nəzarət altında»-azərbaycanlı milyarder hiddətlənib.

Vaqif Məmişov deyib ki, əgər müstəntiqlərin Kərimova sualları var idisə onu mədəni şəkildə istintaqa çağırmaq olardı. «Bəyəm müstəntiq onu təkcə dindirmək istəmirdi? Doğrudanmı senator özü müstəntiqin yanına gedə bilməzdi? Yaxud o elə sosial təhlükəli adamdır ki, həbsə atmaq və cəmiyyətdən təcrid etmək lazımdır?» - Məmişov bildirib.

Azərbaycanlı oliqarx əlavə edib ki, Süleyman Kərimovun müdafiəsi ilə bağlı Fransa prezidentinə məktub göndərib.

Dağıstanlı oliqarx Süleyman Kərimov bir neçə həftə əvvəl şəxsi təyyarəsində Nitsa aeroportuna enərkən saxlanılıb. Ona qarşı 450 milyon avro vergidən yayınma və çirkli pulların yuyulması ittihamı irəli sürülüb. İttihama əsasən Kərimov çamadanlarla nağd pulları Fransaya daşıyıb, yaxud offşor şirkətlər üzərindən ötürüb və bu pulları Lacivərdi sahillərdə bir neçə malikanə almağa sərf edib. Bu zaman mülklərin alış qiymətlərini dəfələrlə aşağı göstərərək 450 milyon avro vergi gizlədib.

Süleyman Kərimov Federasiya Şurasının üzvü olsa da həmin səfər zamanı diplomatik pasportu üzərində olmayıb, habelə Fransa tərəfi bildirib ki, Kərimov şəxsi məqsədlə Nittsaya gəldiyi üçün diplomatik immunitetə malik deyildi. Onun barəsində həbs qərarı daha sonra 45 milyon avro girov əvəzində ev dustaqlığı ilə əvəzlənib. Kərimovun Fransada həbsi Rusiya oliqarxlarını ciddi təşvişə salıb. Çünki onların əksəriyyətinin Avropa ölkələrində mülkləri, aktivləri var və Kərimovun aqibəti göstərir ki, Qərblə Rusiya arasında münasibətlərin gərgin olduğu bir vaxtda onların özlərinin və aktivlərinin toxunulmazlığına təminat yoxdur.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *