vaxtlı-vaxtında oxuyun! Cümə, 20 sentyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
GÜNDƏM  
20:02 | 24 fevral 2019 | Bazar Məqaləyə 395 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Amerikalı diplomatdan 4 bəndlik Qarabağ mesaji...

İndiki həmsədrlər də Riçard Hoqland kimi oxşar açıqlama verəcəklər

Elxan ŞAHİNOĞLU

MÖVZU İLƏ ƏLAQƏLİ

Minsk Qrupunun keçmiş amerikalı həmsədri Riçard Hoqlandın “Amerikanın Səsi”nə son müsahibəsində Dağlıq Qarabağ münaqişəsinin həlli ilə bağlı dedikləri yenilik olmasa da, işin içində olan diplomatın dili ilə deyilənlər bu günə qədər vurğulanların təsdiqidir.

Birincisi, Riçard Hoqland həmsədr işlədiyi dövrdə bu qənaətə gəlib ki, Rusiya münaqişənin həllində maraqlı deyil, çünki münaqişə həll olunarsa, Moskva regionda təsir rıçaqlarını itirəcək. Bunu illərdir deyirik. Hətta amerikalı diplomat Vaşinqtonun düşməni İranın münaqişənin həllində maraqlı olduğunu deyərkən, Rusiya haqqında eyni sözləri deyə bilmir.

İkincisi, Riçard Hoqland neçə illik müşahidələrindən bu qənaətə gəlib ki, danışıqlar prosesi münaqişənin həllini yaxınlaşdırmır. Bunu o şəxs deyir ki, bir neçə il tərəflər arasında gizli danışıqların iştirakçısı olub. Amerikalı diplomat son ayların yeganə müsbət nəticəsi kimi atəşkəsin pozulması hallarının azalmasını göstərib. Bu isə əslində nəticə deyil, çünki hər an vəziyyət dəyişə bilər.

Üçüncüsü, Riçard Hoqland danışıqların düyün nöqtəsi kimi referendumu göstərir. Madrid planında bölgə üçün “müvəqqəti status” bəndi var. Yəni bu bəndə görə bölgənin təhlükəsizliyinə təminat verilir, özünüidarəetmə davam edir, işğal altındakı rayonlar boşaldılır, azərbaycanlı köçkünlər geri dönürlər və bunların qarşılığında separatçıların idarəetməsinə toxunulmur. Rəsmi Bakı “müvəqqəti status” ideyasını və qeyri-müəyyən müddətdən sonra referendumun (referenduma çıxarılan sualların qoyuluşu ayrıca müzakirə predmetidir) keçirilməsini mümkün hesab edərkən, rəsmi İrəvan “müvəqqəti statusa” və Dağlıq Qarabağa aid olmayan rayonların boşaldılmasına razı olsa da, referendumun dəqiq tarixinin sazişdə göstərilməsini tələb edir. Məhz buna görə də razılaşma əldə etmək mümkün deyil. Çünki, biz dəqiq tarixə razılaşa bilmərik.

Dördüncüsü, müsahibədə diqqəti çəkən məqamlardan biri də budur ki, Riçard Hoqland Ermənistanın baş naziri Nikol Paşinyanın adını bir neçə dəfə çəksə də, Azərbaycan prezidenti İlham Əliyevi xatırlamayıb. Bu da ondan irəli gəlir ki, Riçard Hoqland da o fikri qəbul edir ki, münaqişənin həllində ilk addımı məhz Nikol Paşinyan atmalıdır. Yəni birinci növbədə “mərhələli həll” planı işə düşməlidir. Ancaq Riçard Hoqland onu da etiraf edir ki, Paşinyan hakimiyyətini qorumaq üçün Qarabağ münaqişəsinin həlli ilə bağlı riskə getmək istəmir. Başqa sözlə biz Paşinyandan münaqişənin həllini gözləməməliyik.

Beləliklə, Riçard Hoqland müsahibəsindəki fikirlərlə danışıqlar prosesinin yerində saydığını göstərmiş oldu. Tam əminəm ki, indiki həmsədrlər işlərindən ayrıldıqdan sonra Riçard Hoqland kimi oxşar açıqlama verəcəklər. Əslində keçmiş həmsədrlər nəticəsiz danışıqların mahiyyətini açıqlamaqla Azərbaycanın işğalçıya təzyiqini artırmasından başqa yolunun qalmadığını etiraf etmiş olurlar. Danışıqlarda irəliləyiş yoxdursa ayrı nə qalır ki?


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)